Vətəndaş Cəmiyyətini Müdafiə Komitəsinin üzvləri İntiqam Əliyev və Rəşad Həsənovun saxlandığı 6 saylı cəzaçəkmə müəssisəsində olublar
Vətəndaş Cəmiyyətini Müdafiə Komitəsinin (VCMK) üzvləri Mehman Əliyev, Elşən Həsənov və Əvəz Zeynallı məhbuslar - hüquq müdafiəçisi İntiqam Əliyev və NİDA gənclər təşkilatının üzvü Rəşad Həsənovun saxlandığı 6 saylı cəzaçəkmə müəssisəsində olublar.
Lakin görüş baş tutmayıb, çünki ötən gün ailə üzvləri onlara baş çəkiblər. Penitensiar Xidmətin qaydalarına görə, məhbuslarla görüşə 15 gündən bir icazə verilir.
Komitə üzvləri müəssisənin rəis müavini Elxan Əmirovla söhbət ediblər, məhbusların, əsasən İ.Əliyev və R.Həsənovun saxlanma şəraiti ilə maraqlanıblar.
E.Əmirov bildirib ki, saxlanma şəraiti qanunvericiliyə və Penitensiar Xidmətin qaydalarına uyğundur. Hər kamerada 40-dək məhbus saxlanılır, televizor və radio var, dövrü mətbuat verilir. Ancaq məhbuslara “Yeni Müsavat” və “Azadlıq” qəzetlərinin çatdırılmasını necə təmin etmək olar” sualına rəsi müavini cavab verə bilməyib. Məlum olduğu kimi, qanunvericiliyin tələblərinə baxmayaraq, bu nəşrlər koloniyalara göndərilmir.
VCMK üzvlərinin gəlişi barədə İ.Əliyevə və R.Həsənova məlumat verilib, komitə adından onlara ərzaq (şirniyyat) çatdırılıb.
6 saylı cəzaçəkmə müəssisəsində məhbuslarla görüş üçün şəraitin yaradılacağını vəd ediblər. Görüş oktyabrın sonunda baş tuta bilər.
Komitə sədri Arzu Abdullayeva bildirib ki, müxtəlif cəzaçəkmə müəssisələrində saxlanılan digər siyasi məhbuslara da başçəkmələr planlaşdırılır. Hüquq-müdafiə təşkilatlarının məlumatına görə, Azərbaycanda ən azı 80 siyasi və vicdan məhbusu var.–0—
-
- İqtisadiyyat
- 8 Oktyabr 2015 15:37
-
- İqtisadiyyat
- 8 Oktyabr 2015 15:53
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz