Vətəndaş Cəmiyyətinin nümayəndələri siyasi məhbuslar İntiqam Əliyev və Fuad Qəhrəmanlının ailəsinə baş çəkiblər

Vətəndaş Cəmiyyətini Müdafiə Komitəsinin və “Siyasi Məhbuslarsız Azərbaycan” Alyansının nümayəndələri çərşənbə axşamı siyasi məhbuslar İntiqam Əliyev və Fuad Qəhrəmanlının ailəsinə baş çəkərək onları Novruz bayramı münasibətilə təbrik ediblər.

Hüquq müdafiəçisi, vəkil, hüquq müəllimi İntiqam Əliyev 2014-cü il aprelin 22-də CM-in

213.1. (xeyli miqdarda vergiləri və ya icbari dövlət sosial sığorta haqlarını ödəməkdən yayınma), 308.2 (vəzifə səlahiyyətindən sui-istifadə) və 192.2 (qanunsuz sahibkarlıq) ittihamları ilə 7,5 il müddətinə azadlıqdan məhrum edilib.

Amnesty International beynəlxalq-hüquq müdafiə təşkilatı İ.Əliyevi vicdan məhbusu kimi tanıyıb.

Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlı 2015-ci il dekabrın 8-də həbs edilib. Ona qarşı CM-in 281.1 (dövlət əleyhinə açıq çağırışlar) və (zor tətbiqi və ya zor tətbiq etmə hədəsilə milli, irqi, sosial və ya dini ədavətin, düşmənçiliyin salınması) ittihamları irəli sürülüb.

Bundan öncə vətəndaş cəmiyyətinin nümayəndələri siyasi məhbuslar Fərəc və Sirac Kərimli, Nemət Pənahlı, Məmməd İbrahim, Qorxmaz Camalov, İlkin Rüstəmzadə, Elvin Abdullayev və Seymur Həzinin ailəsinə baş çəkərək onların bayramını təbrik ediblər.-0—