Videomateriallar İsmayıllı hadisələri üzrə istintaqın versiyasını təkzib edir
Bu gün Şəki Apellyasiya Məhkəməsində İsmayıllı hadisələri üzrə prosesdə videomateriallara baxış keçirilib.
Turan-ın xüsusi müxbirinin verdiyi məlumata görə, yanvarın 24-də prokurorluğun əməliyyat qrupu tərəfindən çəkilmiş videoda ReAl lideri İlqar Məmmədova qarşı ifadə vermiş şahid Rövşən Novruzovun daim prokurorun yanında durduğu görünür. Müdafiə tərəfi bunu Novruzovun yalançı şahidliyinin və istintaqla əlaqələrinin sübutu kimi qiymətləndirir.
Daha sonra Unibank-ın İsmayıllı şöbəsinin müşahidə kamerasının görüntülərinə baxılıb.
İstintaq materiallarında iddia olunur ki, yanvarın 24-də saat 16.00-17.00 arasında İ.Məmmədov və Tofiq Yaqublu İsmayıllıda olarkən bir qrup insan Axundov küçəsində (yəni bankın qarşısında) yürüş edib. Lakin videoda görünür ki, belə bir şey olmayıb və sakitlik olub.
Bundan başqa, ANS telekanalının çəkilişlərində İsmayıllıda Tofiq Yaqublunun yerli polis şöbəsinə aparılmaq məqsədilə saxlanılması kadrları lentə alınıb. O, vaxtın çox hissəsini məhz şöbədə keçirib.
Bu da istintaqın Məmmədov və Yaqublunun insanları iğtişaşa təhrik etməsi barədə versiyasını təkzib edir.
Daha sonra məhkəmə müdafiə tərəfin daha üç şahidin məhkəməyə çağırılması haqqında vəsatətini təmin edib. Onlar sentyabrın 17-18-də dindiriləcək. -06D-
-
- Cəmiyyət
- 4 Sentyabr 2014 19:22
-
- İqtisadiyyat
- 4 Sentyabr 2014 20:16
Cəmiyyət
-
Baş Prokurorluq Kənd təsərrüfatı mallarının ixracı ilə əlaqəli olan və bundan əldə olunan vəsaiti ölkəyə qaytarmayan vəzifəli şəxslərin növbəti qrupunun "ifşa" edildiyini bildirib.
-
Oktyabrın 26-da saat 04:35-də Azərbaycandan Rusiya istiqamətində hərəkət edən yük qatarının vaqonunda yüklərin arasında gizlənərək dövlət sərhədini qanunsuz keçməyə cəhd göstərən şəxs Dövlət Sərhəd Xidməti əməkdaşlarının sayıqlığı nəticəsində saxlanılıb.
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
Rəy yaz