![XDMX Skype-ın işindəki fasiələlərdə əli olduğunu təkzib edir](https://turan.az/resized/750/500/resize/media/2015/main/070700122356.png)
XDMX Skype-ın işindəki fasiələlərdə əli olduğunu təkzib edir
Xüsusi Dövlət Mühafizə Xidməti (XDMX) Azərbaycanda Skype vasitəsilə danışıqlarda yaranmış məhdudiyyətlərdə əli olduğunu təkzib edib.
Xatırladaq ki, dünən bir sıra KİV-lər Azərbaycanın bəzi rayonlarında Skype xidmətinin bağlanması haqqında məlumat yayıblar.
Daha sonra danışıqların XDMX tərəfindən eksperiment məqsədilə məhdudlaşdırıldığı haqqında məlumat yayılıb.
Bu gün XDMX Dövlət Xüsusi Rabitə və İnformasiya Təhlükəsizliyi Agentliyinin kompüter insidentlərinə qarşı mübarizə Mərkəzi haqqin.az saytının Skype-ın qəsdən bağlanması haqqında məlumatını təkzib edib.
Press-relizdə bu məlumatlar “həqiqətə uyğun olmayan və tamamilə uydurma” adlandırılıb.
Məlumatda qeyd edilir ki, XDMX yalnız dövlət orqanlarının İnternetdəki informasiya resursları şəbəkələrinin təhlükəsizliyini təmin edir və İnternetin təmin edilməsi və bu sahədə xidmətlərlə heç bir əlaqəsi yoxdur.
Buna görə XDMX Dövlət Xüsusi Rabitə və İnformasiya Təhlükəsizliyi Agentliyi “Skype” xidmətində və digər İnternet-resurslarda məhdudiyyətlər həyata keçirə bilməz.
“Bununla belə, qeyd etmək istəyirik ki, İnternetdə geniş istifadəçilər şəbəkəsi olan “Skype” proqram təminatında, həmçinin digər proqram təminatlarında proqram-aparat təminatında və ya şəbəkədə rabitə qurulmasında qısamüddətli problemlər yarana bilər. Lakin bunun bilərəkdən proqramın fəaliyyətinin məhdudlaşdırılması kimi qələmə verilməsi yolverilməzdir”, deyə press-relizdə qeyd edilir.
Öz növbəsində Rabitə və Yüksək Texnologiyalar Nazirliyinin mətbuat xidməti Skype-da məhdudiyyətlər haqqında məlumatları təkzib edib.
Azərbaycan İnternet Forumunun rəhbəri, “Multimedia” QHT-nin rəhbəri Osman Gündüz Turan-a Skype-la bağlı vəziyyəti şərh edərkən dövlət orqanları tərəfindən xidmətin işinə qəsdən müdaxilə olmasına şübhə ilə yanaşıb.
“Biz Skype-ın bağlanması halları aşkar etməmişik. Ola bilər ki, kiminsə öz avadanlığı ilə bağlı problemləri və ya Skype-ın özünün proqram yenilənməsi ilə bağlı problemləri olub”, deyə o bildirib.
Bu zaman Gündüz səlahiyyəti olmayan XDMX-nin müdaxiləsini istisna etməyib.
Gündüzün fikrincə, Azərbaycanda texniki olaraq Skype-ı Delta Telecom şirkəti – magistral İnternet tədarükçüsü bağlaya bilər.
Gizli göstəriş Skype-ın bağlanmasına səbəb ola bilərmi? Bu suala ekspert mənfi cavab verib, belə ki, İnternetdə istənilən məhdudiyyət, hələ də Skype-ın bağlanması beynəlxalq qalmaqala səbəb olardı.
Skype-ın aid olduğu Microsoft şirkətinin Bakı nümayəndəliyindən bildiriblər ki, şərh verə bilməzlər, belə ki, Skype-da fasilələr qeydə almayıblar.
“Gün ərzində tanışlarımız Skype-ın işində fasilələr haqqında məlumatlarla bizə müraciət ediblər, amma biz özümüz heç bir problem aşkar etməmişik və buna görə vəziyyətlə bağlı hər-hansı şərh verə bilmərik”, deyə Microsoft şirkətinin nümayəndəliyindən bildiriblər. -06В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz