Xədicə İsmayıl Bakı aeroportunda iki saatadək saxlanılıb
Bu gün səhər saatlarında jurnalist Xədicə İsmayıl iki saata yaxın Bakı aeroportunda saxlandıqdan sonra saat 8.25-də azad buraxılıb. Bu barədə Turan-a X.İsmayılın özü bildirib.
Jurnalist Tbilisidən ATƏT-in konfransından gələrkən əvvəlcə sərhədçilər tərəfindən saxlanılıb, sonra isə gömrük əməkdaşlarına təhvil verilib.
X.İsmayıl Turan-a bildirib ki, bütün əşyalarını, bank kartlarını, üzərində olan pullarını alıblar.
“Üzərimdə geniş axtarış apardılar. Səfərdə ayağımı əzdiyim üçün arabada idim. Sərhədçilər kimisə çağırdılar, məni bir otağa apardılar. Sonra gömrükçülər gəldilər. Əşyalarımı bir-bir yoxladılar. Səfərdə ayağımı əzmişəm, ayağım sarıqdadır. Ayağımın sarğısını açıb yoxladılar, sanki “Briliyant əllər” filmindəki kimi briliyant axtarırlar. Pullarımı saydılar, gömrük bəyannaməsi yazıb-yazmadığımı, pulu Azərbaycandan aparıb-aparmadığımı soruşdular. Üzərimdə 3 800 avro, 500 dollar var idi. Hamısını götürdülər. Bank kartlarımı, hətta mağazadan verilmiş bonus kartımı da götürdülər. Ciblərimi də yoxladılar. İki saata yaxın bir otaqda saxladılar. Bundan sonra təkrar yoxlama apardıqdan sonra azad buraxdılar”, o qeyd edib. -03B-
-
- Siyasət
- 5 Sentyabr 2014 11:46
-
- İqtisadiyyat
- 5 Sentyabr 2014 11:52
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz