Xədicə İsmayılova prokurorluqdan kompensasiya istəmək niyyətindədir

Fevralın 25-də araşdırmaçı jurnalist Xədicə İsmayılova Baş Prokurorluğun Ağır Cinayətlərə dair İşlər üzrə İstintaq İdarəsində təkrar ifadə verib. Bu barədə  jurnalistlərə açıqlama verən X.İsmayılovs bildirib ki, o şəxsi kompüterini da özü ilə götürüb. Kompyuterinə baxış keçirilib. Dindirilmədə onu vəkil Elton Quliyev müşayiət edib.

X. İsmayılova bildirib ki, yenə də Art Garden restoranındakı görüşlə bağlı suallar veriblər.

“.Komputerimə baxdılar. Elektron poçtumu yoxladılar. Facebook, Skype yazışmalarıma, keçmiş MTN işçisi Ramin Nağıyevlə yazışmalara baxdılar. Məlum oldu ki hələ fevralın 19-da məhkəmə mənim elektron vasitələrimin və elektron daşıyıcılarımın yoxlanması barədə qərar  qəbul edib”, - o bildirib.

Bu qərara təəccüblənənX. İsmayılova məhkəmə qərarının  əsaslandırılmadığını deyib. Buna görə vəkillə etiraz ediblər.

Jurnalist  növbəti dindirmənin vaxtının  müəyyənləşdirilmədiyini qeyd edərək əvvəlcədən ona xəbər veriləcəyini bildirib.

“Amerikanın səsi”nin  “İstintaq sizi hər dəfə  dindirməyə çağırır, bu, sizin işinizə mane olmurmu”  sualının cavabında o deyib: “Dəhşətli dərəcədə “mane olur, xeyli vaxt sərf edirəm bura gedib gələndə. İş rejimim pozulur. Bir neçə dəfə efirə çıxa bilməmişəm. Prokurorluğun mənim vaxtımı aldığına görə maddi kompensasiya ödəməsi ilə bağlı hüquqşünaslarla məsləhətləşirəm”.

Onun sözlərinə görə, Art Garden restoranındakı görüşlə bağlı müstəntiq   jurnalistin xüsusi xidmətlə işləyən şəxslərin siyahısını amerikalılar verib-vermədiyini soruşub. “Dedim ki, məndə belə siyahı yoxdu. Soruşdular ki, görüşdüyüm adamlar niyə məhz sizinlə görüşürlər”, - qeyd edib. “Təklif etdim ki, bir Google-da Azərbaycanla bağlı  axtarsınlar və görsünlər ki, ölkəyə dair  məlumatların  neçə faizində mənim adım çıxır. Üstəlik  həmin şəxslər Senatın Xarici Əlaqələr Komitəsində işləyirlər.

Senatın Xarici Əlaqələr Komitəsi “Azadlıq” radiosunun  fəaliyyəti ilə bağlı qərarlar qəbul edir. Yəni, bu adamlar “Azadlıq” radiousunun işçiləri ilə zatən görüşməlidirlər”.

“Onlar sizdən  dövlət sirri istədilərmi” sualının cavabında jurnalist deyib: “Heç kim məndən dövlət sirri istəməyib. Amerikalılar da bilir ki, məndə dövlət sirri yoxdur”.

“Mən soruşdum ki, siz Eynulla Fətullayevi, Ceyhun Osmanlını dindirmisiniz ” onlar dedilər ki bu barədə heç nə deyə bilməzlər.

Elton  Quliyev istintaqda iltizama imza atdığı üçün jurnalistlərə ətraflı açıqlama verməyib. “Araşdırma gedir. Əsas odur ki,  cinayət işi ehtimal olunan fakt üzrə qaldırılıb”, -  o bidirib.-16D-