Həbsdə olan jurnalist Xədicə İsmayılova mətbuat azadlığına verdiyi töhfəyə görə YUNESKO/Gilyermo Kano Ümumdünya mükafatına layiq görülüb.
Bu mükafat “mürəkkəb şəraitdə mətbuatın inkişafına mühüm töhfəyə görə” verilir.
“Xədicə İsmayılova ali dərəcədə bu mükafata layiqdir və mən çox şadam ki, onun cəsarəti və peşəkarlığı layiqincə dəyərləndirilib”, - mükafatın Münsiflər Heyətinin sədri Liliana Zurovak bildirib.
BMT-nin saytında dərc edilən məlumatda həmçinin qeyd olunur ki, mükafatın təqdimolunma mərasimi mayın 3-ə Finlandiyada Beynəlxalq Mətbuat Gününün qeyd edilməsi çərçivəsində olacaq.
25 min dollar həcmində mükafat kolumbiyalı jurnalist, Kolumbiya narkobaronlarını ifşa edən Gilyermo Kanonun adına adlandırılıb. O 1987-ci ildə güllələnib.
“Azadlıq” radiosunun Azərbaycan xidmətinin jurnalisti Xədicə İsmayılova 2014-cü ilin dekabrında həbs olunub və iqtisadi cinayətlərdə ittiham edilərək 7,5 il müddətinə azadlıqdan məhrum edilib. Jurnalist özü və beynəlxalq hüquq müdafiəçiləri əmindir ki, o, Azərbaycan hakim elitasının korrupsiyaya bağlılığını araşdırdığına görə təqib edilir.–06D--
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz