Xədicə İsmayılovanı təcridxanada mühakimə edirlər

Bir neçə ay davam edən  fasilədən sonra jurnalist Xədicə İsmayılovaya qarşı məhkəmə prosesi keçmiş müxalifətçi, özünü “bayraqdar” adlandıran Elman Həsənovun (Türkoğlu) iddiası əsasında “yenidən başlayıb”.

Məhkəmə iclası gözlənilmədən Kürdəxanı təcridxanasında keçirilib.

İddiaçı bildirib ki, X.İsmayılova Facebook-da müxalifət daxilində pozuculuq fəaliyyəti məqsədilə E.Həsənovun xüsusi xidmət tərəfindən ələ alınmasına dair sənədlər dərc edib.

E.Həsənov bunun yalan olduğunu bildirib. Öz növbəsində X.İsmayılova qeyd edib ki, onun yaydığı mətndə Həsənov soyadı keçmir. X.İsmayılova ittihamları uydurma hesab edir və iddianın arxasında xüsusi xidmətin dürduğunu düşünür.

Xatırladaq ki, bu mövzuda yazılar 2011-ci ildə Facebook-da Mustafa Qozlu adlı istifadəşi tərəfindən yayılıb.

X.İsamyılovanın həbsilə əlaqədar digər ittiham, E.Həsənovun iddiası üzrə məhkəmə prosesi dayandırılmışdı.

Lakin fevralın 20-də təcridxanada Binəqədi məhkəməsinin hakimi Sədrəddin Hacıyevin sədrliyi ilə dinləmələr yenidən başlayıb. Lakin X.İsmayılovaya bu barədə məlumat verilməyib.

Onu kameradan çıxararkən vəkillə görüşə apadıqlarını bildiriblər.

İclas zamanı vəkil Elton Quliyev və X.İsmayılova prosesin təcridxanada keçirilməsinə etiraz ediblər. Çünki hazırlıq iclasında prosesin açıq keçirilməsi barədə qərar qəbul olunub. Müdafiə tərəfi açıqlıq prinsipinin təmin olunmasına təkid edib. Lakin vəsatət rədd edilib. Vəkil E.Qliyev bildirib.

E.Həsənov X.İsmayılovanın CM-in 147.2-ci maddəsi  (ağır cinayətin törədilməsi barədə böhtan) ilə cəzalandırılmasını tələb edib. Vəkil bəraətverici qərarın çıxarılmasını tələb edib. Çünki X.İsmayılovanın günahını sübut edən dəlil təqdim olunmayıb.

Jurnalistə son sözlə çıxış etmək təklif olunub, lakin o imtina edib.

Növbəti məhkəmə iclası fevralın 23-nə təyin edilib.–06В-