Bu gün jurnalist Xədicə İsmayılova Baş Prokurorluğun Ağır Cinayətlərə dair İşlər üzrə İstintaq İdarəsində yenidən dindirilib. Onunla söhbət zamanı növbəti dəfə Art Garden restoranında Senatın nümayəndələri ilə görüşü barədə soruşulub. Bundan əlavə, jurnalistin kompüterinə, Facebook, Skype, e-mail yazışmalarına, xüsusilə MTN-in keçmiş müstəntiqi, ahzırda siyasi mühacirtədə olan Ramin Nağıyevlə yazışmalarına baxılıb.
Jurnalistin sözlərinə görə, növbəti dindirmənin vaxtını ona söyləməyiblər, bildiriblər ki, lazım olanda özləri xəbər verəcəklər.
***
Ötən dəfə dindirmələrdə ondan Art Garden restoranında jurnalistin Amerika Senatının nümayəndələri ilə görüşü barədə suallar verilib. Eyni zamanda iqtidaryönlü deputat Ceyhun Osmanlının prokurorluğa təqdim etdiyi lent yazısı barədə soruşulub.
Jurnalist Facebook səhifəsində müxalifət nümayəndəsinin məxfi əməkdaşlığa cəlb edilməsi barədə Milli Təhlükəsizlik Nazirliyinin sənədi güman edilən materialı yayması da istintaqın marağındadır. X.İsmayılova ötən dindirmədə həmin materialın mühacirətdə olan keçmiş əməkdaşı Ramin Nağıyev tərəfindən göndərildiyini bildirib. R.Nağıyev bu barədə sosial şəbəkələrdə də yazıb.
X. İsmayılova fevralın 17-də Facebook-da Milli Təhlükəsizlik Nazirliyinin (MTN) xidməti fəaliyyətinə aidliyi ehtimal edilən material yerləşdirib. Materialda MTN-nin müxalifət partiyalarına casus yerləşdirməsindən bəhs edilir.
Faktla bağlı Cinayət Məcəlləsinin 284.2-ci (dövlət sirrini yayma ağır nəticələrə səbəb olduqda) maddəsi ilə cinayət işi başlanıb.
X. İsmayılova Azərbaycanın yüksək vəzifəli şəxsləri və onların ailə üzvlərinin qanunsuz biznesləri və mülkləri ilə bağlı araşdırma yazıları dərc etdikdən sonra davamlı təzyiqlərlə üzləşib. Onun yaşadığı evə gizli kamera yerləşdirilib, 2012-ci ilin martında şəxsi həyatı ilə bağlı video yayılıb. Bundan sonra jurnalistin şəxsi həyatına müdaxilə ilə bağlı cinayət işi başlanıb. Hələ də istintaqın hansı nəticələrə gəlməsi barədə məlumat yoxdur.
Bununla yanaşı, X.İsmayılova inzibati qaydada da cərimə olunub. Cərimənin qanunsuz olduğunu bildirən jurnalistin məcburi əməyə cəlb edilməsi barədə qərar qəbul edilib.-03/16B-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz