Bu gün hüquqşünas Rövşanə Rəhimova beynəlxalq tədbirdə iştirak etmək üçün Bakıdan Tbilisiyə gedərkən ölkədən buraxılmayıb.
Sərhəd Xidməti Rəhimovaya səbəbini izah etmədən bildirib ki, prokurorluq onun ölkəni tərk etməsinə qadağa qoyub.
Rəhimovanın Turan-a verdiyi məlumata görə, o, jurnalist Xədicə İsmayılovanın guya Tural Mustafayevi özünü öldürmə həddinə çatdırması haqqında işi üzrə şahiddir.
Rəhimova aeroporta gəlməsinə bir saat qalmış Baş Prokurorluğun müstəntiqi Sənan Paşayevin ona zəng edib Tural Mustafayevin işi üzrə söhbətə dəvət etdiyinə diqqət çəkib.
Lakin Rəhimova bildirib ki, bazar günü Bakıya qayıtdıqdan sonra söhbətə gələ bilər. Müstəntiq bununla razılaşıb. Lakin aeroportda məlum olub ki, prokurorluq hələ ötən il noyabrın 26-da onun ölkədən çıxmasına qadağa qoyub.
Rəhimova bu qərarı əsassız hesab edir və ondan məhkəməyə şikayət vermək niyyətindədir.
Qeyd edək ki, Rəhimova Tural Mustafayevin keçmiş nişanlısıdır. Amma Mustafayevin psixi problemləri ilə əlaqədar nişanı atıb.
Mustafayevin özünə gəlincə, ötən ilin sonlarından onun haqqında heç bir məlumat yoxdur. Dekabrın 27-də o, öz facebook səhifəsində X.İsmayılovaya qarşı iddiasından imtina etdiyini və şikayətini geri götürdüyünü yazıb. Daha sonra o yazıb ki, həbs ediləcəyindən qorxur və vəkil köməyinə ehtiyacı var. Bundan sonra o, yoxa çıxıb. Mustafayevin ətrafındakıların verdiyi məlumata görə, o, ölkəni tərk etmək istəyərkən aeroportda saxlanılıb. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz