Xədicə İsmayılovanın işi üzrə dünənki məhkəmə iclasında müttəhim Bakı prokurorluğunun MTN-ə məktubunun surətinin ona verilməsi barədə vəsatət qaldırıb.
Buna cavab olaraq prokuror Ramazan Hadıyev deyib ki, X.İsmayılovaya birbaşa aidiyyatı olan sənədlərin surəti ona verilə bilər.
Bunun cavabında isə X.İsmayılova deyib ki, əgər məktubun ona aidiyyatı yoxdursa niyə cinayət işinə daxil edilib?
Jurnalist prokurorluğun MTN-dən işi öz üzərinə götürməsini hansı əsaslarla xahiş etməsi, T.Mustafayevin intihar cəhdinin milli təhlükəsizliyə nə kimi aidiyyatı olması ilə maraqlanıb.
X.İsmayılovanın sualları cavabsız qalıb və hakim Ramella Allahverdiyeva onun vəsatətini təmin etməyib. O deyib ki, müttəhimin cinayət materialları ilə tanış olmaq imkanları olub və bəzi sənədlərin surətləri ona verilib.
Bunun cavabında X.İsmayılova deyib ki, ona materillarla tanış olmaq üçün vaxt verilməyib və istədiyi sənədlərin surəti ona verilməyib.
Sonra prosesdə şahid ifadələri dinlənilib. Zərərçəkənin (Tural Mustafayev) keçmiş nişanlısının anası Zemfira Əliyeva bildirib ki, qızının nişanlısı içkiyə aludədir.
Onun sözlərinə görə, bir dəfə T.Mustafayev intihar üçün ilgək hazırlayıb və fotosunu qızına göndərib. Ana və qız tələsik onun mənzilinə gedərkən görüblər ki, balkonda oturub yeyib-içir. Məhz belə hərəkətlərinə görə Turalla nişanlısı tez-tez mübahisə ediblər.
Sonra “Azadlıq” radiosunun Bakı bürosunun əməkdaşı Esmira Cavadova ifadə verib. O bildirib ki, ilkin istintaq zamanı onun sözləri təhrif edilib. O, X.İsmayılova ilə əmək müqaviləsi bağladığını deməyib. O, kadrlar şöbəsi ilə müqavilə bağlayıb, və sənəddə Kənan Əliyevin imzası olub.
Şahid Fərəh Əliyeva deyib ki, “Azadlıq” radiosu İnternews təşkilatı ilə birgə layihələr çərçivəsində fəaliyyət göstərib və onunla müqavilə imzalayıb və qonorar alıb.
Jurnalist Cavid Abdullayev bildirib ki, T.Mustafayevlə birlikdə kirayədə yaşayıb və
Meydan TV-də çalışıblar. Onun sözlərinə görə, T.Mustafayev deyib ki, nişanlısı Rövşanə Rəhimli ilə münasibətləri pisləşdiyinə görə intihar etmək istəyir.
Məhkəmə prosesi avqustun 12-də saat 15:00-da davam edəcək.—06D-
Cəmiyyət
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz