Açiq mənbələrdən foto.
Bakı/02.06.23/Turan: Daxili İşlər Nazirlıyi (DİN) Bakının Xəzər rayonunun Binə qəsəbəsində və ətraf qəsəbələrdə narkotik vasitələrin qanunsuz dövriyyəsilə məşğul olan şəxslərin saxlandıqları barədə məlumat yayıb.
Xəzər Rayon Polis İdarəsinin 3-cü Polis Şöbəsinin əməkdaşları Binə qəsəbəsində narkotik vasitələrin qanunsuz dövriyyəsi ilə məşğul olan, əvvəllər məhkum edilmiş Kamran İsmayılovu saxlayıblar. Onun üzərinə və idarə etdiyi “Toyota Prius” markalı avtomobilə baxış zamanı 2 kiloqrama yaxın marixuana aşkar edilib. Kamran İsmayılov şəxsiyyəti istintaqla araşdırılan “Mahal” adlı İran vətəndaşının göstərişilə qanunsuz yollarla Azərbaycana göndərdiyi narkotik vasitələrin paytaxtın müxtəlif ərazilərində paylanması ilə məşğul olub. O, taksi sürücüsü görüntüsü yaradaraq əslində Bakı şəhərində narkotik vasitələrin qanunsuz dövriyyəsini təşkil edib.
Bundan əlavə 3-cü Polis Şöbəsinin əməkdaşları tərəfindən son günlərdə Binə və ətraf ərazilərdə narkotiklərin qanunsuz dövriyyəsi ilə məşğul olan ümumilikdə 29 nəfər tutularaq istintaqa təqdim edilib.
Saxlanılanlardan bəzilərinin Binə qəsəbəsində etidkləri oğurluq əməlləri də aşkar olunub.
Aşkar edilən faktlarla bağlı əməliyyat-istintaq tədbirləri davam etdirilir.-0-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz