Cəmil Məmmədli
Bakı/23.05.23/Turan: Xaçmaz rayonunun Xudat qəsəbəsinin 40-a yaxın sakini Azərbaycan prezidenti İlham Əliyevə və birinci vitse-prezident Mehriban Əliyevaya müraciət edərək yerli jurnalist Cəmil Məmmədliyə qarşı təzyiqlərə son qoyulmasına köməklik göstərməyi xahiş ediblər.
"Jurnalist Cəmil Məmmədli Xaçmaz rayonunda və ümumilikdə regiondakı qanunsuzluqları, mənfi halları işıqlandırır. O, rayonun çətinliklərlə üzləşən hər bir sakininə yardım göstərməyə çalışır", - müraciətdə deyilir.
Məmmədli uzun illərdir ölkənin şimal bölgəsində jurnalistika ilə məşğul olur. Əvvəllər "Azadlıq” radiosu ilə əməkdaşlıq edib, son illərdə müstəqil jurnalist kimi çalışır.
Bundan öncə onu diffamasiya üzrə islah işlərinə məhkum ediblər. İddianı Quba rayonunun icra başçısı qaldırıb.
Bu ilin əvvəlində ona qarşı böhtan və təhqir ittihamı ilə bir neçə məhkəmə işi başlayıb. Bundan əlavə, xuliqanlıq ittihamı ilə iş açılıb.
Jurnalist bütün ittihamları rədd edir və hesab edir ki, təzyiqdə məqsəd onu susmağa məcbur etməkdir.
Şikayətlərdən birini yerli sakin Fuad Həbibov irəli sürüb. O, jurnalisti pul tələb etməkdə ittiham edib. O bildirib ki, Məmmədli ondan 10 min manat alıb və Həbibovun anasının qətlinin üstünün açılmasına kömək edəcəyini vəd edib.
"Bu, tamamilə yalandır. Mənə qarşı Cinayət Məcəlləsinin 178.2-ci (dələduzluq, eyni əməllər bir qrup şəxs tərəfindən törədildikdə) maddəsilə cinayət işi başlanıb.
Həmçinin mənə qarşı 221.2-ci maddə (xuliqanlıq) üzrə iş davam edir. Bu şikayətlər Quba rayonu icra başçısı tərəfindən dövlət vəsaitinin mənimsənilməsinə dair faktları açıqladığımdan sonra verilib və cinayət işlərinə başlanıb.
Açıqlanan videoda Qubada ictimai işlərin təşkilinə ayrılan vəsaitin mənimsənildiyi təsdiqlənib. Guya pul rayon sakinlərinə ödənilib, halbuki, onlar heç nə almayıblar və bunu videomüsahibədə təsdiqləyiblər", - Cəmil Məmmədli deyib. 03B6
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz