Yaponiya hökumətinin yardımı ilə Bakıdakı 2 saylı peşə məktəbi modernləşdirilib

Çərşənbə günü Bakının 2 saylı peşə məktəbində çilingər və dülgər kursları üzrə təhsil şəraitinin yaxşılaşdırılması layihəsinin başa çatması münasibətilə tədbir keçirilib. Tədbirdə Yaponiya səfiri Şuşuke Vatanabe iştirak edib.

Layihə Yaponiya hökumətinin “Ot kökləri və İnsan Təhlükəsizliyi Qrant Proqramı” çərçivəsində həyata keçirilib.

Yaponiya səfirliyi və Azərbaycanın “Gənc maarifçilər” QHT arasında qrant sazişi 2011-ci il oktyabrın 13-də imzalanıb.

Layihə çərçivəsində emalatxanalar təmir edilərək yaş qruplarına uyğun avadanlıqla təchiz olunub. Layihədən 140 şagird və 40 pedaqoq faydalanacaq.

Layihənin dəyəri 99 990 dollar təşkil edib.   

“Ot kökləri və İnsan Təhlükəsizliyi Qrant Proqramı” çərçivəsində Yaponiya hökuməti 11 812 290 dollar məbləğində 154 layihəni maliyyələşdirib.

Ümumilikdə Yaponiya hökuməti infrastrukturun, kənd təsərrüfatının, sosial sahə, mədəni və insan resurslarının inkişafına 1 mlrd. dollar həcmində maliyyə yardımı göstərib.—06D--