Yaralanmış üç Ağdam vətəndaşı Bərdə Diaqnostika Mərkəzindədir
Dünənki atışma zamanı yaralanmış üç Ağdam sakini Bərdə Diaqnostika Mərkəzindədir. Xəstəxananın baş həkimi Fəsad Hüseynovun Turan-a verdiyi məlumata görə, qəlpə yarası almış şəxslərin vəziyyəti orta ağır olaraq qiymətləndirilir.
Yaradanlardan biri - Elgiz Qarayev bildirib ki, onların Qaradağlı kəndinə çoxsaylı mərmilər düşüb. O, başından qəlpə yarası alıb. Onun sözlərinə görə, kənddə dağıntılar çoxdur. Belə ki, onun qohumunun yenicə tikilmiş və hələ məskunlaşmamış evi tamamilə dağılıb.
Yaralanmış daha dörd nəfər Ağdam rayon xəstəxanasında və hərbi qospitaldadır.
Qeyd edək ki, bu gün cəbhə zonasında yerli və xarici jurnalistlərdən ibarət böyük bir qrup var. -16/03D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz