�Yaşıl Patrul� heyvanları və ətraf mühiti qoruyacaq

Bakı/07.10.19/Turan: Canlı Aləmi Müdafiə İctimai Alyansı oktyabrın 1-dən "Yaşıl Patrul" layihəsinin başlandığını elan edib. Layihədə məqsəd ətraf mühitin təmizliyinin və təhlükəsizliyinin, heyvan və bitkilərin həyatının qorunması üzrə ölkə ictimaiyyətinin səylərinin konsolidasiyasıdır.

"Yaşıl Patrul" layihəsi təhsil, ekologiya, daxili işlər və digər sahələrdəki dövlət qurumları ilə birlikdə həyata keçiriləcək.

Alyans əməkdaşlıq haqda memorandumun mətnini hazırlayıb rayon icra hakimiyyətlərinə göndərib. Mingəçevir, Ağdaş və Qobustan İcra hakimiyyətlərindən müsbət cavab gəlib. Bəzi orta məktəblər və universitetlər Alyansla əməkdaşlıq etmək istədiklərini bildiriblər.

Layihəni Facebook sosial şəbəkəsində birləşmiş 1600-ə yaxın könüllü yerinə yetirəcək. Onlar siqnal aldıqdan sonra ölkənin hər rayonunda yaradılan Layihə mərkəzlərinə məlumat göndərəcəklər. Oradan könüllülər tədbir görmək üçün hadisə yerinə gedəcəklər", - Alyansın sədri Mənsurə Rəsulzadə Turan-a bildirib.

Layihənin icrası zamanı seminarlar keçiriləcək, filmlər nümayiş etdiriləcək, əhali, məktəblilər və tələbələr heyvanlarla ünsiyyət normalarını öyrənəcəklər. İş 2019-cu il dekabrın 1-dək davam edəcək. Layihə QHT-lərə Dövlət Dəstəyi Fondu tərəfindən maliyyələşdirilir.

"Biz layihəni bir il uzatmaq istərdik. Bunun üçün maliyyə axtarırıq", - M.Rəsulzadə əlavə edib. O, layihənin təşkili zamanı yerli hakimiyyət orqanlarının və Təhsil Nazirliyinin bürokratiya və passivliyi ilə qarşılaşmalı olub. "Yardım üçün Mehriban Əliyevaya müraciət etməli oldum", - Alyansın rəhbəri qeyd edib.-0-