Bakı/11.07.18/Turan: Bu gün Bakı Ağır Cinayətlər Məhkəməsi Nardaran hadisələri üzrə təqsirləndirilən iki nəfər barəsində hökmü elan edib.
Nardaran sakini Əbülfəz Bünyadov 15 il müddətinə azadlıqdan məhrum edilib.
İflic vəziyyətində olan bu təqsirləndirilən şəxs məhkəmə zalında həbs edilib və xərəklə aparılıb.
Bu iş üzrə digər təqsirləndirilən şəxs Elxan İsgəndərov 14 il həbs cəzası alıb.
Onlar terror, hakimiyyəti zorla dəyişdirmək cəhdi, qanunsuz silah saxlamaqda təqsirli biliniblər.
Bünyadov cəzasının ilk üç ilini Qobustan qapalı həbsxanasında çəkməlidir.
Qeyd edək ki, o, 2015-ci ilin noyabrında Nardaranda "Müsəlman Birliyi" hərəkatının lideri Taleh Bağırzadə və onun tərəfdarlarına qarşı xüsusi əməliyyat zamanı saxlanılıb. Amma sonradan Bünyadov barəsində qətimkan tədbiri dəyişdirilib və o, polis nəzarətində idi.
İsgəndərov barəsində axtarış elan edilmişdi və o, bir il sonra həbs edilib.
Müdafiə tərəfi hökmdən şikayət vermək niyyətindədir. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz