Martın 1-də səhər saatlarında Göyçayın Kürdəmiş kənd sakini əsgər Seymur Allahverdiyevin meyiti ailəsinə verilib. Bu barədə Turan-a hüquq müdafiəçisi Oqtay İsgəndərli bildirib.
Ailə üzvləri meyidə baxış kecirib və məlum olub ki, əsgər baş nahiyəsindən aldığı güllə nəticəsində vəfat edib. Mərhumun hərbi xidmətini başa vurmasına cəmi bir ay qalıbmış.
Onun sözlərinə görə, mərhumun ailəsi təcili olaraq tibbi ekspertiza keçirlməsini tələb edir.
Müdafiə Nazirliyinin mətbuat xidməti əsgər ölümünü təsdiq edib. Mətbuat xidmətindən Turan-a bildiriblər ki, Şəmkir hərbi birləşməsinin əsgəri, Qazax rayonundakı “N” saylı hərbi hissədə xidmət edən Göyçayın Kürdəmiş kənd sakini, 1990-cı il təvəllüdlü Allahverdiyev Seymur Mürvət oğlu dünən postda olarkən tabeliyində olan avtomat silahdan atəş açaraq intihar edib.
Faktla bağlı cinayət işi qaldırılıb. İntiharın səbəbi araşdırılır. -03B-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz