“Siyasi məhbus siyahısı” yenilənib. Bunu Siyasi Məhbusların Müdafiə Mərkəzinin koordinatoru Oqtay Gülalıyev bildirib.
Onun sözlərinə görə, Mərkəz aprelin 1-də keçirdiyi toplantısında müxtəlif ittihamlarla həbs olunan ictimai fəalların, müxalifət partiyalarına mənsub şəxslərin durumu müzakirə edilib.
“Müzakirələr zamanı dövlət başçısı İlham Əliyevin 16 mart tarixli əfv sərəncamı siyasi məhbusların azadlığa çıxması baxımdan növbəti imitasiya kimi qiymətləndirildi”, Oqtay Gülalıyev deyib.
Onun sözlərinərə, həbsdə olan bəzi fəallar azadlığa çıxdıqlarına görə, Mərkəzin tərtib etdiyi “siyasi məhbus siyahısı”ndan 9 nəfərin adı çıxarılıb, 6 şəxsin adı isə əlavə edilib: “Jurnalist İkram Rafiqoğlu, prezident qvardiyasının keçmiş əməkdaşı Asif Lətifov, bloqçu Əbdül Əbilov, “Azadlıq” qəzetinin redaktoru Qənimət Zahidin qohumlarının, dini fəallar Namiq Kişiyev və Nicat Əliyev, o cümlədən, AXCP üzvüZeynalabdin Bağırzadənin adı siyahıdan çıxarılıb”.
Oqtay Gülalıyev deyir ki, bu yaxınlarda həbs olunan jurnalist Elçin İsmayıllı, bloqçular Mehman Qələndərov və Mehman Hüseynov, dini fəal Sərdar Babayev, AXCP üzvü Elnur Fərəcəov və MBH üzvü Elxan İsgəndərovun adı siyahıya daxil edilib:
“Bu şəxslərə saxta ittihamlar verilib, əslində, ictimai və siyasi fəaliyyətlərinə görə həbs ediliblər. AŞPA- nın siyasi məhbuslarla bağlı məlum ktirteryiyasının tələblərinə cavab verdiyindən onları siyasi məhbus adlandırırıq”, koordunator vurğulayıb.
Siyasi Məhbusların Müdafiə Mərkəzinin tərtib etdiyi siyahıda hazırda 162 nəfərin adı var.
Oqtay Gülalıyev deyir ki, ötən ilin yanvarında bahalaşma əleyhinə etiraz aksiyasında iştirak etdiyinə görə həbs olunan bir qrup Siyəzən sakininin də “potensial siyasi məhbus kimi tanınması” qərara alınıb.
Gülalıyev həmçinin Göyçayda hüquq müdafiəçisi Taleh Xasməmmədova polis tərəfindən təzyiq edilməsini də pisləyib.
Azərbaycan hakimiyyəti ölkədə siyasi və ictimai fəaliyyətinə görə heç kəsin təqib olunmadığını dəfələrlə bəyan edib, vurğulayıb ki, həbs edilən fəalların qanunun tələblərini pozmaqda suçlandırılırlar və buna görə də hər bir Azərbaycan vətəndaşı kimi qanun qarşısında cavab verməli olublar.
Həbs edilən ictimai və siyasi fəallar, adətən, xuliqanlıq, polisə müqavimət və ya qanunsuz narkotik maddə saxlamaqla bağlı ittihamlarla üzləşiblər.-0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz