![Yeni siyasi məhbuslar siyahısında 133 nəfər var](https://turan.az/resized/media/2019/main/030400017214-750-500-resize.webp)
Yeni siyasi məhbuslar siyahısında 133 nəfər var
Bakı/04.03.19/Turan: Azərbaycanın siyasi məhbuslarının azadlığı uğrunda ittifaq bu gün siyasi məhbusların yeni siyahısını elan edib. Siyahıda 133 nəfərin adı var. Siyasi məhbuslar 11 qrupa təsnif edilib, bu barədə Turan-a İttifaqın koordinatoru, hüquq müdafiəçisi Elşən Həsənov bildirib.
"Jurnalistlər və blogerlər" kateqoriyasında 8 nəfər, "Yazıçılar və şahirlər" kateqoriyasında 1 nəfər, "Hüquq müdafiəçiləri" kateqoriyasında 1 nəfər, "Gənc fəallar" qrupunda 4 nəfər var.
Bundan başqa, "müxalif partiya və hərəkatların üzvləri" qrupunda 11, "MTN-dəki cinayətlərin qurbanları" kateqoriyasında 8 nəfər var.
Əvvəlki kimi, ən böyük qrup "dindarlar"dır, bu qrupda 70 nəfərin adı var.
"Siyasi girovlar" qrupunda qohumlarının siyasi fəaliyyəti ilə əlaqədar mühakimə edilmiş 3 nəfər var.
"Keçmiş dövlət qulluqçuları" qrupunda 3 nəfər var. Bundan başqa, 10 nəfər "sosial etiraz qurbanları"dır. 14 nəfər "ömürlük məhbuslar"dır.
Təşkilatın əvvəlki siyahısı ötən ilin dekabrında elan edilib. Həmin vaxt siyahıda 160 ad var idi.
Həmin vaxtdan etibarən AXCP sədrinin müşaviri Məmməd İbrahim, "hicab məhbusu" Telman Şirəliyev, bloger Mehman Hüseynov, "Səid Dadaşbəylinin işi" üzrə iki məhkum, Nardaran hadisələri ilə həbs edilmiş şəxslər olmaqla, 18 nəfər cəza müddəti başa çatdığına görə azad edilib.
* Azərbaycanın siyasi məhbuslarının azadlığı uğrunda İttifaq ötən ilin noyabrında Sülh və Demokratiya İnstitutunun direktoru Leyla Yunus, Siyasi Məhbusların Monitorinqi Mərkəzinin rəhbəri Elşən Həsənov, "Tolışi sədo" qəzetinin baş redaktoru Hilal Məmmədov və Azərbaycan Ziyalılar İttifaqının sədri Eldəniz Quliyev tərəfindən təsis edilib. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz