Artıq təhsil müəssisələrinin, tibb müəssisələrinin, avtobus dayanacaqlarının, idman, turizm obyektlərinin, istirahət zonalarının, böyük ticarət (istehsal və xidmət) mərkəzlərinin, habelə insanların kütləvi şəkildə toplaşdığı digər obyektlərin yanında piyada keçidlərinin olması məcburi olacaq.
Milli Məclis deputatlarının “Yol hərəkəti haqqında” Qanunun 9.1-ci maddəsinə qəbul etdikləri düzəlişlərin mahiyyəti bundan ibarətdir.
Bundan başqa, avtomobil yollarının yaşayış məntəqələrindən keçən hissələrində yerüstü və yeraltı piyada keçidləri bir-birindən 400-800 metr məsafədə yerləşməlidir.
Yaşayış məntəqələrində digər yollarda keçidlər arasında məsafə 150-300 metr təşkil etməlidir.
Hərəkət hissəsi 14 metrdən çox olan və piyada axını saatda 3 min nəfərdən çox, nəqliyyat axını isə saatda 300 avtomobildən çox olan digər avtomobil yollarında da yerüstü və yeraltı keçidlər tikilməlidir. -17D-
Cəmiyyət
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
-
Bakıda qalxanabənzər vəzin xərçənginə yoluxma halları sürətlə artıb, həm də həkim-endokrinoloq Sadiq Bəbirov uşaqlarda bu cür patologiyaların çox olduğuna diqqət çəkir.
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
Rəy yaz