Leyla Yunusun vəziyyəti getdikcə pisləşir

Həbsdə olan hüquq müdafiəçisi Leyla Yunusun vəziyyəti pisləşməkdə davam edir. Sol gözündə görmə qabiliyyətinin itirilməsi prosesi gedir. Bu barədə Turan-a onun vəkili Elçin Qəmbərov bildirib.

Onun sözlərinə görə, göz damcıları kömək etmir, çünki həkimlərin bildirdiyinə görə, görmə qabiliyyətinin itirilməsi orqanizmin tamamilə zəifləməsi ilə əlaqədardır.

“Leyla xanımı tanıyanlar onu bu gün görsəydilər onun, xəstə, solğun, arıqlamış üzündən dəhşətə gələrdilər”, deyə vəkil bildirib.

Penitensiar Xidmət həkimlərinin gördüyü tədbirlərə baxmayaraq, həbsxana şəraitində sağlamlığın v deməli, həm də görmə qabiliyyətinin bərpası qeyri-mümkündür.

Onu həbsdə saxlamağın nə mənası var? Nə gözləyirlər – sonradan təlaşa düşmək üçün ölümünümü? Məgər onun həbsi hökumətə az baş ağrısı gətiri? – deyir vəkil.

Yunusun müdafiəsi üzrə beynəlxalq kampaniya nəticə vermir, amma hakimiyyət üçün problemlər yaradır. Xəstə və artıq gənc olmayan qadın barəsində qətimkan tədbirini dəyişdirib bu başağrısından xilas olmaq olmazmı? Elçin Qəmbərov əmindir ki, bu himanist addım ictimaiyyətdə minnətdarlıq hissi doğurar. -02D-