Vətəndaşların yetkinlik yaşına çatmayanlara qarşı münasibəti ilə bağlı irəli sürülən norma və tələbər sərtləşdirilib. Parlamentin bugünki plenar iclasında AR Cinayət Məcəlləsinə və “İnsan alverinə qarşı mübarizə haqqında” qanuna dəyişikliklər edilib.
Milli Məclisin hüquq siyasəti və dövlət quruculuğu üzrə dövlət komitəsinin sədri Əli Hüseynlinin sözlərinə görə, yetkinlik yaşına çatmamış uşaqların məcburi əməyə cəlb edilməsi insan alverinin bir növü kimi qəbul ediləcək və 12 il həbs ilə cəzalandırılacaq.
Yetkinlik yaşına çatmayanların istismar məqsədilə saxlanması, gizlənməsi, daşınması və başqasına verilməsi də ticarət kimi tövsif ediləcək. İnsan orqanlarının qanunsuz alınması və bioloji-tibbi təcrübələrin aparılması da bu cinayət növünə aid ediləcək. Bu yeniliklər AR CM-in 144-cü maddəsinə daxil edilib və 4 ildən 12 ilədək cəza nəzərdə tutur.
Şəxslərin sənədlərinin saxtalaşdırılmasına görə (məcburi istismarı məqsədilə ehtimalı ilə) təqsirkarlar 1 ildən 3 ilədək azadlıqdan məhrumetmə ilə cəzalandırılacaq. İnsan alverçilərini saxta sənədlərlə təmin edənlərə qarşı da analoji sanksiyalar tətbiq ediləcək. -17D-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz