![Yol Polisinin BMW-sini əzənə qarşı cinayət işi qaldırılıb](https://turan.az/resized/media/2016/main/021800147253-750-500-resize.webp)
Yol Polisinin BMW-sini əzənə qarşı cinayət işi qaldırılıb
Fevralın 17-də Bakıda Heydər Əliyev Mərkəzinin yaxınlığında Şahin Bəylərov çəkiclə Bakı şəhər Dövlət Yol Polisi İdarəsinə məxsus BMW markalı, 99 YP 423 dövlət qeydiyyat nişanlı avtomobili əzib. Belə ki, Bəylərov gözlənilmədən çantasında gəzdirdiyi çəkiclə dayanmış vəziyyətdə olan avtomobilə zərbələr endirməyə başlayıb. Nəticədə avtomobilə ciddi ziyan dəyib.
Polis Şahin Bəylərovu saxlayıb. Nərimanov rayon Polis İdarəsində faktla bağlı Cinayət Məcəlləsinin 221-ci (xuliqanlıq) maddəsi ilə cinayət işi başlanıb.
Polisin məlumatına görə, hadisəni törədən Şahin Bəylərovun üzərindən narkotik vasitə də aşkarlanıb.
Hazırda Şahin Bəylərovun psixoloji durumu ilə bağlı tibbi ekspertiza təyin edilib və istintaq hərəkətləri aparılır. -03B-
-
- Cəmiyyət
- 18 Fevral 2016 11:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz