Bakı/31.05.21/Turan: Mayın 25-də yol-nəqliyyat qəzasına düşmüş Təbriz Gülalıyev (hüquq müdafiəçisi Oqtay Gülalıyevin oğlu) yaxın günlərdə əməliyyat olunacaq. Bu barədə Turan agentliyinə Təbriz Gülalıyev məlumat verib. Onun məlumatına görə, əməliyyat üzündə aparılacaq. Üz hissəsinin sümüyü ciddi zədələnib.
Gülalıyev qeyd edib ki, o, Bakı Tibb Mərkəzinə daxil olduqdan sonra reanimasiya palatasına onun yanına iki tibb bacısı gəlib və boş blankların imzalanmasını xahiş ediblər.
"Mən boş blanklara niyə imza atmalıyam deyə soruşduğumda dedilər ki, qanda alkoqol və narkotik maddənin olub-olmadığını müəyyən etmək üçün analiz götürəcəklər. Nəticələr polisə göndəriləcək”, - o deyib.
Gülalıyev boş blanklara imza atmaqdan imtina etdi.
"Sonra blankları yarıya qədər doldurub yenidən mənə verdilər və mən yenə imtina etdim. Blanklar tam doldurulduqdan sonra imza atdım", - o deyib və qeyd edib ki, bu cür hərəkətləri şübhəli hesab edir.
Bunun fonunda yol qəzasına düşmüş digər şəxs Aynur Əhmədova ilə müəmmalı vəziyyət yaranıb. Hadisə ilə bağlı istintaq aparan Sabunçu Rayon Polis İdarəsindən Turan-a bildiriblər ki, Aynur Əhmədova evdədir. Onun evdə olduğunu Əhmədovanın qohumu Oqtay Gülalıyevin xanımına təsdiqləyib.
Lakin bundan öncə, mayın 26-da Daxili İşlər Nazirliyi bildirmişdi ki, Əhmədova ağır vəziyyətdədir və 3 saylı Şəhər Klinik Xəstəxanasına aparılıb. Bununla yanaşı, Daxili İşlər Nazirliyi Təbriz Gülalıyevin vəziyyətini orta ağırlıq kimi qiymətləndirib.
Sual yaranır: necə olur ki, ağır vəziyyətdə olan, yəni ağır xəsarət alan şəxs evdə necə müalicə olunur, orta ağır xəsarət alan adam isə xəstəxanadadır və bir həftədir mürəkkəb əməliyyata hazırlıq gedir?
Mayın 31-i səhərdən Əhmədovanın yeri və vəziyyətilə bağlı İcbari Tibbi Sığorta üzrə Dövlət Agentliyindən məlumat almaq mümkün olmayıb. Baxmayaraq ki, belə informasiyanın təqdim olunacağına dair vəd verilmişdi. Görünür, hansısa səbəblərə görə müəssisə bu məsələni aydınlaşdırmaqda çətinlik çəkir.
Hüquq müdafiəçisi Oqtay Gülalıyevin oğlu Təbriz Gülalıyev mayın 25-də axşam Kürdəxanı-Zabrat avtomobil yolunda qəzaya düşüb. Onun Mercedes avtomobili (1999-cu ildə istehsal olunub) Aynur Əhmədovanın idarə etdiyi KİA sportage ilə toqquşub.0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz