ANS-in iradı ilə AzTV dövlət telekanalının ANS telekanalının bağlanmasına həsr edilmiş “Günün nəbzi” verilişi Youtube şəbəkəsində qadağan edilib.
Bu barədə öz facebook səhifəsində həmin verilişdə iştirak edən jurnalist Azər Həsrət yazıb.
Bu verilişin linkini açdıqda belə bir yazı çıxır: “ANS TV-dən alınmış müəllif hüquqlarının pozulması haqqında bəyanatla əlaqədar bu videonun yayını artıq əngəllənib”. <https://www.youtube.com/watch?v=IXOyXnTje5c>
Azər Həsrət ANS-in əməllərini “dövlətə qarşı sabotaj” adlandırır. “ANS bütün imkanlarından istifadə edərək Az.TV-nin, yəni dövlət televiziyasının bütün əlamətlərilə özünə məxsus olan verilişini yasaqlatdırıb! Bunun adı dövlətə qarşı sabotajdır! Bəli, məhz sabotaj! Bu adamlar qanun çərçivəsində özlərinə qarşı tədbir görülməsilə barışmır, üstəlik də dövlətin siyasətini sabotaj edirlər! Bunlar dövlət televiziyasının verilişini faktiki efirdən məhrum ediblər! Bu isə bir daha təsdiq edir ki, ANS-in qapadılmasında dövlət ən düzgün olan addımı atıb. Buna qədər düşünürdüm ki, ANS TV müəyyən müddət sonra bəlkə efirə qayıtsa yaxşı olar. Amma onların bu əməlindən sonra düşünürəm ki, bu kanal doğrudan da dövlətə təhlükə təşkil edə bilər. Ona görə də dövlətin daha sərt addımlar atması vacibdir”, deyə o yazır.
ANS kanalından şərh almaq cəhdi nəticə verməyib. -02D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz