Sahilin qanunsuz çəpərlənməsi aradan qaldırılmalıdır – ekspert

Xəzər sahilində bu ərazilərdən səmərəli istifadə məqsədilə bütün obyektlər siyahıya alınır, bu barədə ətraf mühit üzrə ekspert Samir İsayev Turan agentliyinin Çətin Sual verilişinə müsahibəsində bildirib.

Mütəxəssislərin həyata keçirdiyi monitorinqlər sahilin qanunsuz olaraq ələ keçirildiyini və lazımi şərtlər olmadan ticari çimərliklərinin yaradılmasını üzə çıxarıb. Qanunvericiliyə əsasən, icra hakimiyyəti tərəfindən çimərlik elan edilmiş, dənizdə çimən insanlar üçün sanitar-epidemioloji xidmət olan, Ekologiya Nazirliyinin isə suyun keyfiyyətinin təhlili əsasında icazə verdiyi zonalar çimərlik hesab olunur. FHN-in sularda xilasetmə xidməti təhlükəsizlik sistemi yaradır.

Amma bəzi çimərliklər şirkətlər, turoperatorlar, otellər tərəfindən yaradılıb və çəpərlənib. Qanunsuz olaraq çəpərlənmiş pullu çimərliklər də var, Goradil, Novxanı və Fatmayıda belə çimərliklər çoxdur. Orada kafe və restoranlara icazə verilib, onların sahibləri qanuna zidd olaraq insanların oraya çıxışını məhdudlaşdırıb və pulla buraxır. Bu zaman sanitar normalara riayət olunmur.

Çimərliklər hamıya açıq olmalıdır. Xidmətlər pullu ola bilər, amma çimərliyə giriş pulsuz olmalıdır, deyə İsayev qeyd edib.

Buna son qoymaq üçün ölkə prezidenti Nabrandan Astaraya qədər bütün sahilyanı ərazidə siyahıyaalma haqqında sərəncam imzalayıb. Bu işi yerli icra hakimiyyəti orqanları həyata keçirir.

Sahilin çəpərlənməsinə gəlincə, İsayevin sözlərinə görə, sahildə yerləşən torpaq sahələri dövlət mülkiyyətidir. Bu ərazilərin – çimərliklərin, sahilyanı əraziləri paylayanlar yerli icra hakimiyyəti orqanlarıdır. Bununla belə, dənizin müəyyən hissələri ələ keçirilir və ən çox dövlət məmurları torpaqları qanunsuz ələ keçirib, deyə ekspert qeyd edib.

İsayevin fikrincə, bütün qanunsuz tikililər, kimə məxsus olmasından asılı olmayaraq, sökülməlidir. Bundan başqa, sahilyanı zonanın vahid dövlət qiyməti olmalıdır. Zonalar məqsədli istifadə üçün fərqləndirilib. Dəniz sahilində sahildən başqa məqsədlər üçün istifadə edilməsi mümkün olmayan yerlərdə tikinti aparmaq olar. İctimai çimərliklər, mehmanxanalar, balıqçılıq və s. üçün ayr-ayrı zonalar olmalıdır.

Bundan başqa, yaşayış məntəqələrinin yanında yerləşən zonalara ümumi çıxış bağlanmamalıdır. Eyni zamanda boş zonalardan – məsələn, Tağıyev qəsəbəsindən Şabran rayonuna qədər olan ərazidən müxtəlif məqsədlərlə istifadə oluna, bu ərazilər sahibkarların istifadəsinə verilə bilər, İsayev belə hesab edir. -03D-