Yüzlərlə qurbanın olduğu halda şou proqramların nümayişi mənəviyyatsızlıqdır
Avqustun 11-də İranda baş vermiş zəlzələ ümummilli faciədir.
Uluslararası Güney Azərbaycan Türkləri Konseyinin İdarə Heyətinin üzvü Firudin Cəlilov belə hesab edir.
Çərşənbə günü Media Mərkəzdə mətbuat konfransındakı çıxışında o, xatırladıb ki, üç sutka ərzində Şərqi Azərbaycan əyalətində 930 yeraltı təkan baş verib, 220 kəndə ziyan dəyib. Bunun 66-ı tamamilə dağılıb.
Rəsmi məlumatlara görə, 120 min adam zərər çəkib, 300-dən çox adam həlak olub, 2 mindən çoxu yaralanıb. Lakin reallıqda qurbanların sayı beş mini ötür, lakin hadisə real statistikanı gizlədir.
F.Cəlilov qeyd edib ki, İran xarici yardımı qəbul etmir ki, bu da “İran şovinist rejiminin azərbaycanlılara qarşı münasibətinin göstəricisidir”. O həmçinin deyib ki, Təbriz yaxınlığında zəlzələ heç də həqiqi deyil. Çox ehtimal ki, yeraltı təkanlar süni mənşəli ola bilər. Məhz bu səbəbdən də İran xarici yardımı ölkəyə buraxmır.
F.Cəlilov Azərbaycan telekanallarını və hakimiyyəti Cənubi Azərbaycanda faciəyə laqeyd qalmaqda ittiham edib. O bu günlərdə telekanallarda şou proqramların nümayiş etdirilməsini “mənəviyyatsızlıq” adlandırıb.
Azərbaycan hakimiyyəti də baş verənlərə eyni cür yanaşır, baxmayaraq ki, zəlzələdən zərər çəkənlər etnik azərbaycanlılardır.
Təşkilatın İdarə Heyətinin üzvü Aynur İmranova bildirib ki, Facebook vasitəsilə 10 min manat yığa biliblər. “Çalışacağıq ki, bu pulları Cənubi Azərbaycandakı fəallara çatdıraq. Bizim yardımdan imtina edirlər, deyirlər ki, yalnız uşaqlar üçün süd göndərilə bilər. Orada donor qanına ciddi ehtiyac var və bu cür isti hava şəraitində onu göndərmək çətindir”.
Təşkilat prezident İlham Əliyevə müraciət edərək laqeyd qalmamağa, Cənubi Azərbaycandakı soydaşlarımıza yardım göstərilməsinə çağırıb. -04S-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz