Açiq mənbələrdən foto.
Bakı/24.03.23/Turan: Xalq Cəbhəsi Partiyasının fəalı, 46 gündür Bakı İstintaq Təcridxanasında aclıq edən Zamin Salayev dünən üç dəfə huşunu itirərək yıxılıb. Son dəfə başından güclü zərbə alıb, cümə günü onun oğlu Oqtay bildirib. Bu barədə ona atasının kamera yoldaşı telefonla deyib.
Növbəti dəfə yıxılandan sonra Salayevin nitqi çətinləşib. Buna baxmayaraq, həkim çağırmayıblar.
"Atama tibbi nəzarət yoxdur, vəziyyəti çox ağırdır", - Salayevin oğlu deyib.
Penitensiar Xidmət və Ombudsman Aparatından şərh almaq mümkün olmayıb.
Xatırladaq ki, fevralın 8-də Bakının Qaradağ Rayon Məhkəməsi Zamin Salayevin üç ay müddətinə həbs edib. Ona qarşı Cinayət Məcəlləsinin 221.3 – cü (xuliqanlıq, güc tətbiq etməklə) maddəsilə cinayət işi açılıb və onu 5 ilədək həbs təhlükəsi gözləyir.
Məhkəmə zamanı Zamin Salayev ona qarşı ittihamın yalan olduğunu bildirib və aclıq elan edib.06В
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz