Azərbaycan Müdafiə Nazirliyi: Sülhməramlılar ermənilərin hərbi kolonlarını müşayiət etməyə davam edirlər

Bakı/24.03.23/Turan: Martın 24-də Xankəndi-Xəlfəli-Turşsu yolu ilə növbəti dəfə qanunsuz hərbi daşımalar həyata keçirən nəqliyyat karvanı qeydə alınıb. Bu barədə Azərbaycan Müdafiə Nazirliyinin məlumatında deyilir.  

Azərbaycan Silahlı Qüvvələrinin texniki müşahidə vasitələri Rusiya sülhməramlı kontingentinin BTR-82A, üç qapalı KamAz və ermənilərə məxsus yanacaq çəni olan bir KamAZ-ın hərəkətini qeydə alıb.

Rusiya sülhməramlı kontingentinin bu hərəkətləri Azərbaycan, Ermənistan və Rusiya Federasiyası liderlərinin 10 noyabr 2020-ci il tarixli üçtərəfli bəyanatının yerinə yetirilməsilə bağlı vəzifələrinin pozulmasıdır.

Qarabağda qanunsuz erməni birləşmələr üçün canlı qüvvənin, hərbi sursatın, minaların, digər maddi-texniki təminat vasitələrinin sərbəst daşınması üçün şəraitin yaradılması sülhməramlı kontingentin razılaşmaları kobud şəkildə pozmasıdır, Azərbaycanın hərbi idarəsi qeyd edir.

"Bu qanunsuz hərəkətlər müntəzəm baş verir və Azərbaycanın Laçın yolunun son nöqtəsində sərhəd nəzarət-buraxılış məntəqəsi yaratmasının zəruriliyindən xəbər verir ", - Azərbaycan Müdafiə Nazirliyinin məlumatında deyilir.

Məlumata videomaterial əlavə olunur. https://mod.gov.az/az/news/qeyri-qanuni-ermeni-birlesmeleri-ucun-qanunsuz-herbi-dasimalar-davam-edir-video-47113.html . 06В