Fevralın 5-də Zaqatalanın Danacı kəndində zəlzələdən dağılan evlərin tikintisi ilə məşğul olan “Doğan” şirkətində çalışan fəhlə Tofiq Zərqiyev özünü asıb.
“Azadliqnews.tv”nin yaydığı məlumata görə, Zərqiyev agaçda asılı vəziyyətdə tapılıb. Ölümündən əvvəlki məktubda o, şirkətdən əmək haqqı ala bilmədiyi üçün bu addımı atdığını yazıb. Zərqiyev Qazax rayonundan pul qazanmaq üçün gəlib.
Ötən ilin dekabr ayında Zaqatalanın Danacı kəndində yol kənarında əslən Sabirabad rayonundan olan ustanın cəsədi tapılmışdı. Bu fakt rəsmi qurumlar tərəfindən gizli saxlandı.
Azadliqnews.tv qeyd edir ki, “Doğan” şirkətinin rəhbəri FHN başçısı Kəmaləddin Heydərovun yaxın dostudur. Zəlzələnin nəticələrinin aradan qaldırılması FHN-ə tapşırılıb. Bu məqsədlə nazirliyə 320 mln. manat ayrılıb. İşlər vergi, əmək qanunvericiliyinin ciddi şəkildə pozulması ilə, qeyri-şəffaf şəraitdə həyata keçirilir və böyük məbləğdə vəsaitlərin mənimsənilməsi ilə müşaiyət olunur. -0-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz