![Əvəz Zeynallının işi üzrə proses yekunlaşmaq üzrədir](https://turan.az/resized/media/2013/main/020600027456-750-500-resize.webp)
Əvəz Zeynallının işi üzrə proses yekunlaşmaq üzrədir
Bu gün BakıAğır Cinayətlərə dair İşlər üzrə Məhkəmədə Ramella Allahverdiyevanın sədrliyi ilə “Xural” qəzetinin redaktoru Əvəz Zeynallının işi üzrə növbəti iclas keçirilib.
İclasda Ədliyyə Nazirliyinin ekspertiza idarəsinin baş eksperti təqsirləndirilən şəxsin suallarına cavab verib.
Zeynallı yenə vergidən yayınma ittihamlarının təkzib edib.
Daha sonra vəkil Elçin Sadıqov növbəti dəfə qətimkan tədbirinin ev dustaqlığı ilə əvəz edilməsi haqqında vəsatət qaldırıb və vəkil yenə vəsatəti təmin etməyib.
Zeynallı özü bildirib ki, 4 cildlik işin hər səhifəsi saxtalaşdırılıb.
Hakim dəlillər siyahısını elan etdikdə vəkil Sadıqov deputat Gülər Əhmədovanın təqdim etdiyi audioyazının istintaq tərəfindən saxtalaşdırıldığını bildirib.
Daha sonra hakim məhkəmə istintaqının başa çatdığını bildirib.
Dövlət ittihamçısı Ramazan Hadıyevin çıxışı fevralın 13-nə təyin edilib.
Zeynallının işi üzrə proses 2012-ci ilin may ayından aparılır. O, 28 oktyabr 2011-ci ildə deputat Gülər Əhmədovanın zorla pul tələb etmək ittihamı ilə həbs edilib.
311.3.3 (böyük məbləğdə rüşvət alma) və 311.3.4-cü (hədələmə yolu ilə rüşvət alma) maddələrlə yanaşı, Zeynallıya qrşı məhkəmə qərarını icra etməmə və vergi ödəməkdən yayınma ittihamları da irəli sürülüb.
Lakin hazırda Əhmədova özü deputat mandatlarının satışı haqqında iş üzrə fırıldaqçılıqda ittiham olunur.
Bundan başqa, bu qalmaqalın Türkiyədə vəfat etmiş digər iştirakçısı Sevinc Babayevanın doğmaları Əhmədovanı onun ölümündə əli olmaqda ittiham edirlər. -16B06-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz