DİN, Prokurorluq və Dövlət Təhlükəsizlik Xidməti orqanlarının birgə xüsusi əməliyyatı zamanı Zaqatala rayonunun dini dözümsüzlük və ayrı-seçkilik salmaqda şübhəli bilinən, hədə yolu ilə vətəndaşları öz cərgələrinə cəlb etməyə çalışan, əhali arasında təxribatçılıq fəaliyyəti ilə məşğul olan altı sakini saxlanılıb.
DİN-in rəsmi məlumatında saxlanılan şəxslərin adları sadalanır: Elşad Musayev, Abakar Qazıyev, İslam Ağalarov, Vüqar Cəbrayılov, Bəşir Həmzəyev və Vaqif Pədərov.
Onların mənzillərində axtarış zamanı 2 avtomat, 2 tapança, 13 əl qumbarası, 310 ədəd müxtəlif çaplı güllə, 5 trotil şaşkası, çox sayda qadağan olunmuş dini ədəbiyyat müsadirə olunub.
Faktla bağlı cinayət işi açılıb. Mütəşəkkil qrupun digər üzvlərinin müəyyən edilməsi və məsuliyyətə cəlb edilməsi üzrə təxirəsalınmaz əməliyyat-axtarış tədbirləri davam etdirilir. -16D-
2016 May 03 (Çərşənbə axşamı) 11:41:14
Zaqatala rayonunda beş nəfər saxlanılıb. Onlardan qadağan edilmiş dini ədəbiyyat, silah-sursat, qumbaratan götürülüb. Rayon polisindən Turan-a bildirilib ki, hazırda əməliyyat davam edir.
Əməliyyat Əliabad qəsəbəsində sahə rəisi, polis kapitanı Rövşən Balıyevə qarşı aksiya ilə əlaqədar keçirilir. Xatırladaq ki, mayın 1-də naməlum şəxslər polis məntəqəsinin qapısına qumbara bağlayıblar. R.Balıyev qapını açarkən partlayış baş verib. Ciddi xəsarət alan polis kapitanı hospitala yerləşdirilib.-03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz