Zəfər və Fuad Əhmədli
Bakı/17.08.18/Turan: 30 sutka inzibati cəza alan AXCP fəalı Zəfər Əhmədlinin səhhətindəki problemlər qalır. Bu barədə AzadlıqRadiosuna onun ailəsindən bildiriblər.
Yaxınlarının bildirdiyinə görə, Zəfər Əhmədli böyrək ağrılarından əziyyət çəkir. Onun davamlı qulluğa, sağlığının diqqətdə saxlanmasına ehtiyac var.
"Təcridxanada belə şərait yoxdur. Lazım olan dava-dərmanı da biz alıb vermişik", ailəsindən bildiriblər.
Yaxınlarının deməsinə görə, cəbhəçinin sağlıq durumunun diqqətdə saxlanması üçün əlaqəli qurumlara müraciət olunub. Bu gün, avqusun 17-də cəbhəçinin vəkilləri onun sağlıq durumu ilə bağlı İnsan Hüquqları üzrə Müvəkkilə (Ombudsaman) müraciət ediblər.
İyulun 27-də Xətai Rayon Məhkəməsi AXCP fəalı Zəfər Əhmədliyə 30 sutka inzibati həbs cəzası verib. Onun küçədə inzibati qaydanı pozmaqda və onu intizama dəvət edən polisin tələbinə tabe olmamaqda günahlandırıldığı bildirilir.
Cəbhəçinin inzibati qaydada cəzalandırılmasından verilən apellyasiya şikayəti rədd edilib.
AXCP-dən isə Z.Əhmədlinin həbsinin gerçək səbəbinin Facebook sosial şəbəkəsində yazdığı statuslar olduğu deyilib.
Z.Əhmədli həm də həbsdə olan AXCP fəalı Fuad Əhmədlinin atasıdır. F.Əhmədli 2016-cı il avqustun 17-də saxlanıb. O, Cinayət Məcəlləsinin 302.1 (əməliyyat-axtarış fəaliyyəti haqqında qanunvericiliyi pozma) və 308.1 (vəzifə səlahiyyətlərindən sui-istifadə) maddələri ilə ittiham olunub. 2017-ci ildə Bakı Ağır Cinayətlər Məhkəməsinin hökmü ilə ona 4 il həbs cəzası kəsilib. F.Əhmədli ittihamları rədd edir və siyasi baxışlarına görə həbs olunduğunu bildirir.-0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz