Agdam
Zəlzələ nəticəsində Ağdam rayonunda 127 evə ziyan dəyib
Bakı/16.11.17/Turan: Dünən baş vermiş zəlzələ nəticəsində Ağdam rayonunda evlərə və sosial obyektlərə ziyan dəyib.
Ağdam rayon İcra Hakimiyyəti başçısının köməkçisi Eldəniz Abdullayevin Turan-a verdiyi məlumata görə, yeraltı təkanlar nəticəsində, ilkin məlumata görə, 127 evə və bir məktəbə ziyan dəyib.
Sözügedən evlərdə əvvəldən də çatlar var idi, zəlzələ onları qəza vəziyyətinə salıb.
Üçoğlan kəndində Zəhra Səfərovanın evi yıxılıb.
Təzəkənd kəndində məktəb qəza vəziyyətinə düşüb.
Quzanlı kəndində transformator sıradan çıxıb.
Hazırda əhaliyə elektrik enerjisi verilməsi bərpa olunub.
İnsanlar arasında xəsarət alan olmayıb. Amma insanların stres keçirməsi ilə əlaqədar 60 dəfə "təcili yardım" çağırılıb.
Hazırda əhaliyə və infrastruktura dəyən ziyan hesablanır.
Əsasən Çəmənli, Əfətli, Zagişan, Xındırıstan, Quzanlı, Üçoğlan və Qərvənd kəndlərində evlərə ziyan dəyib.
Tərtər rayon rəhbərliyi bildirib ki, zəlzələ nəticəsində Yevoğlu, İsmayılbəyli, Əskipara kəndlərində evlərdə çatlar əmələ gəlib.
Bir neçə palçıq ev yıxılıb.
Zəlzələ noyabrın 15-də saat 23.48-də Ağdam rayonu ərazisində baş verib. Ocağı 25 km dərinlikdə yerləşib. Yaxınlıqda yerləşən yaşayış məntəqələrində 5-3 bal gücündə təkanlar hiss olunub. -06D-
-
- Maliyyə
- 16 Noyabr 2017 10:35
-
- İqtisadiyyat
- 16 Noyabr 2017 11:16
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz