2012-ci ilin mayında zəlzələdən zərər çəkən Balakən rayon Talalar kənd sakini Münəvvər Mustafayeva məruz qaldığı problemlərə dair cümə günü BMM-də mətbuat konfransı keçirib.
Zəlzələdən sonra çadıra köçürülən 7 nəfərlik ailə hələ də həmin çadırda yaşayır.
20-30 il öncə tikilən ikimərtəbəli, 5 otaqdan ibarət divarlarında çatlar və aralanmalar var, ön hissəsi çöküb. Belə ciddi zədələrə baxmayaraq, evlərə dəyən ziyanı dəyərləndirən komissiya evin bərpa olunması rəyi verib. M.Mustafayeva isə evin bərpa edilməsini qətiyyən mümkün saymır.
Bərpa məqsədilə ailəyə 4-5 min manat civarında pul təklif edilib, ailə yeni ev tələb edərək, bu maliyyə vəsaitindən imtina edib. “Bizim rayonda varlılar 4-5 min manata özləri üçün tualet tikirlər”, - deyə M.Mustafayeva ailəyə təklif edilən maliyyə vəsaitinin azlığını bildirib.
Kənddə evi zəlzələdən ziyan çəkməyənlərə yeni ev tikildiyi halda dəyərləndirmə komissiyası Mustafayevlər ailəsinə ev tikilməsindən imtina edir. M.Mustafayeva dəyərləndirmə komissiyasını rüşvət və korrupsiyada ittiham edib. M.Mustafayeva zəlzələnin nəticələrini aradan qaldırmaq üçün ayrılan pulların təyinatı üzrə xərclənmədiyini iddia edib. Komissiyadan yuxarı instansiyalara şikayət edəcəyini deyəndə M.Mustafayeva komissiya üzvü olan Vaqif adlı şəxs tərəfindən hədə-qorxuya məruz qaldığını bildirib. Ailənin düşdüyü durumun ağırlığı ilə bağlı dəfələrlə rayon icra hakimiyyətinə müraciət etsə də, yerli hakimiyyət kömək etməyib. Zəlzələnin nəticələrini aradan qaldırmağa məsul olan Fövqəladə Hallar Nazirliyinin rayona gələn rəhbərlərilə görşmək istəsə də, buna imkan verilməyib.
Ailə indiyə kimi dövlətdən hər-hansı maddi yardım almayıb. Yaşadığı çadırda sərf etdiyi elektrikə görə pul tələb edilir, pul ödənmədiyi üçün ailənin çadırına verilən elektrik enerjisi kəsilib. “Bu durumda təkcə biz deyilik, çox ailələr bu haldadır, şikayət etmək istədikdə onları qorxudurlar, nəticədə çoxları şikayət etməkdən çəkinir”, - deyə M.Mustafayeva qeyd edib.
Zəlzələnin nəticələrini aradan qaldırmaq üçün 300 milyon manatdan çox vəsait ayrılsa da, hələ də zəlzələ zonasında kifayət qədər problemlər qalır.
M.Mustafayefa mətbuat konfransını keçirməkdə zəlzələ bölgəsindəku durumu, zəlzələdən bir lə yaxın vaxt keçsə də problemlərin hələ də qalmaqda davam etməsini dövlət başçısının və aidiyyatı qurumların basşçılarına çatdırmaq olduğunu söyləyib. -05C-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz