Bu gün Azərbaycanda baş vermiş zəlzələ güclü olub, lakin episentr 55 km. dərinlikdə olub. Bunun sayəsində zəlzələnin dağıdıcı gücü o qədər də böyük olmayıb və zərərçəkən yoxdur. Bu barədə Milli Elmlər Akademiyası Seysmoloji Xidmər Mərkəsinin direktoru Qurban Yetirmişli Turan-a müsahibəsində bildirib.
Onun sözlərinə görə, bir neçə saat ərzində Şamaxıda, Hacıqabulda güclü yeraltı təkanlar (5,7-6 bal) qeydə alınıb. Xəzər akvatoriyasında da 3.2 bal gücündə bir neçə təkan qeydə alınıb.
Bakıda güclü zəlzələnin gözlənməsinə dair proqnozlarla bağlı sualın cavabında alim deyib ki, bu cür proqnozlar tutarlı deyil və zəlzələni öncədən hesablamaq və ya bilmək mümkün deyil. Lakin məlumdur ki, Azərbaycan seysmik cəhətdən aktiv zonada yerləşir və burada vaxtaşırı zəlzələ baş verir.
Sonuncu dəfə güclü zəlzələ 2000-ci ilin noyabrında baş verib. Bakıda yeraltı təkanların gücü
6,5 bal, Xəzərdə episentrdə 7 baldan çox təşkil edib. -03В-
***
Fevralın 10-da saat 16:15-də Azərbaycan ərazisində zəlzələ qeydə alınıb. Bakıda yeraltı təkanlar 4-4,5 bal gücündə hiss olunub. Otaqlarda mebellər tərpənib, çilçıraqlar yellənib.
Ölkənin şimal və cənub rayonlarında güclü yeraltı təkanlar hiss olunub.
Milli Elmlər Akademiyası Seysmoloji Xidmətin məlumatına görə, zəlzələnin episentri Saatlı şəhərinin 41 km.-də olub. Yeraltı təkanların gücü 5 bala yaxın olub.
Hələlik dağıntı və tələfat haqda məlumat yoxdur. -02В-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz