Zərdab rayonunda kəndlilər otlaqların zəbt olunmasına etiraz edir (YENİLƏNİB)

Kənd sakinləri Turana bildirib ki, kəndə məxsus örüş sahələri bəzi kənd sakinlərinə həmçinin keçmiş icra başçısı olan Lütfəli Babayevə satılıb. "Uzun illərdir ki, qanunsuz satılmış bu sahələri geri qaytarmırlar, camaat da dözməyib örüş torpaqlarına öz heyvanlarını salıb yanında dayanırlar. Bu gün isə ora polis gəlib üç nəfəri saxlayıblar, 2-3 nəfəri isə döyüblər". 

"Tələb odur ki, saxlanılan şəxslər azad olunsun, torpaülar geri qaytarılsın, bələdiyyə seşkiləri yenidən keçirilsin və dekabrın 23-də keçirilmiş bələdiyyə seçkilərin nəyicələri ləğv edilsin".

Çallı kənd bəliyyəsinin sədri Əzizov Əyub məsələ ilə bağlı Turana açıqlama verməkdən imtina edərək "aidiyyatlı qurumlara müraciət etməyə" məsləhət görüb. 

Zərdab rayon İcra Hakimiyyətindən məsələ ilə bağlı məlumat almaq mümkün olmayıb. 

Daxili İşlər Nazirliyin mətbuat xidmətinin rəhbəri Ehsan Zahidov Turana Zərdabda saxlanılan şəxslərin olması ilə bağlı məlumatını təkzib edib. 

*   *   *

2020 Fevral 20 (Cümə axşamı) 22:01:18

Zərdab rayonunda kəndlilər otlaqların zəbt olunmasına etiraz edir

Bakı/20.02.20/Turan: Zərdab rayonunda yüzə yaxın yerli sakin otlaqlarının geri qaytarılması tələbi ilə etiraz yürüşü keçirib.

Etirazçılardan biri bildirib ki, üç yüz ailəyə məxsus torpaqları 10 nəfər zəbt edib. Bütün bunlar yerli hakimiyyət orqanlarının iştirakı ilə baş verib: “Artıq susmayacağıq, biz ayağa qalxdıq”.

Polis aksiya liderlərini saxlayıb. Ancaq gərginlik qalır.

Hakimiyyət baş verənləri hələlik şərh etmir.

Qeyd etmək lazımdır ki, rəsmi şəxslərin zorakılıq və saxtalaşdırma yolu ilə kəndlilərin torpaq sahələrini ələ keçirməsi adi hala çevrilib.0—