Zərdabda səfərdə olan Azərbaycanın dövlət başçısı İlham Əliyev rayonda bir sıra obyektlərin açılışında iştirak edib.
Dövlət başçısı rayonda Gənclər Mərkəzinin açılışında iştirak edib. Mərkəzin tikinti işləri dövlət başçısının 2011-ci ildə Zərdaba ayırdığı 2 milyon manat vəsait hesabına aparılıb. Mərkəz 10 otaq, rəqs zalı, kino zalından ibarətdir.
Gənclər mərkəzindən əlavə, rayonda Heydər Əliyev mərkəzinin də açılışı olub. Mərkəzin 150 nəfərlik akt zalı, rayon və ölkə miqyaslı tədbirlər üçün konfrans zalı var. İ.Əliyev rayonda YAP-ın rayon təşkilatının inzibati binasının açılışında iştirak edib.
Dövlət başçısı inşa edilməkdə olan Küllülü-Zərdab su kəməri tikintisilə tanış olub. Kəmər istifadəyə verildikdə 157 min sakinin su probleminin həll olunacağı nəzərdə tutulur. Küllülüdə 5 min kubmetrlik, Zərdabda isə hər biri 2 min kubmetrlik iki su anbarı tikilir. -05D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz