Qafqaz Sülhməramlı Araşdırmalar Mərkəzi hamını Tekaliyə dəvət edir

1 oktyabr 2012-ci ildən etibarən Ermənistan, Gürcüstan və Azərbaycan sərhədlərinin kəsişməsində yerləşən Gürcüstanın Tekali kəndində müntəzəm olaraq keçirilən Cənubi Qafqaz vətəndaş dinləmələrinin növbəti mərhələsi start götürüb. Lakin əvvəllər debatlarda məruzəçilər ekspertlər olurdusa, artıq Cənubi Qafqazda yaşayan hər kəs əsas məruzəçi ola bilər.

Qafqaz Sülhməramlı Təşəbbüslər Mərkəzinin press-relizində deyilir ki, müsabiqədə iştirak etmək üçün www.southcaucasus.com saytında qeydiyyatdan keçib mövzunu təqdim etmək və əsaslandırmaq lazımdır. Həmçinin, qonşu ölkədən həmməruzəçi və ya rəqib təklif etmək və ya bu seçimi üç ölkənin müstəqil ekspertlərindən ibarət münsiflərə həvalə etmək olar. 

Müsabiqə qaliblərinə məruzə yazmaq, dinləmələrə gəlmək (xərclər bütünlüklə ödəniləcək), məruzələrini auditoriyaya təqdim etmək, qonorar almaq təklif ediləcək. Dinləmələrin stenoqramı www.southcaucasus.com saytında rus və ingilis dillərində dərc olunacaq.

Digər müsabiqə iştirakçılarının dinləmələrə dəvət edilib, öz baxışlarını və ideyalarını irəli sürmək üçün “Sərbəst mikrofondan” istifadə etmək şansı olacaq. 

Dinləmələrin cədvəli: Noyabr, 2012 – Tbilisi, Fevral, 2013 – Tbilisi, May, 2013 – Tekali, İyun, 2013 – Tekali, İyul, 2013 – Tekali, Sentyabr, 2013 – Tekali. -02D-