Azərbaycandan xaricə qanunsuz pul köçürənlər cəzalanacaq. Məmurlara da aid ediləcək? – Bəşir Süleymanlı Çətin sual qarşısında

Bakı/07.12.22/Turan: Azərbaycandan xarici ölkəyə qanunsuz pul köçürülməsi fəaliyyəti ilə məşğul olanlar 5 ilədək həbs ediləcək. Bu, Prezident İlham Əliyevin təsdiqlədiyi Cinayət Məcəlləsinə dəyişiklik edilməsi barədə qanunda əksini tapıb.

Xaricdən Azərbaycana qanunsuz pul köçürülməsi fəaliyyəti ilə məşğul olanlar da cərimə ediləcək.Bu isə Prezidentin təsdiqlədiyi İnzibati Xətalar Məcəlləsinə dəyişiklik edilməsi barədə qanunda əksini tapıb.

Eyni zamanda Milli Məclisə iki yeni qanun layihəsi daxil olub. bunlar “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” və “Hədəfli maliyyə sanksiyaları haqqında” yeni qanun layihələridir.

“Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanun layihəsinə görə 20 min manatlıq maliyyə əməliyyatları edən müştərilər araşdırılacaq.

Bu qanunların məqsədi nədir? Bu qanunlar ölkədən ofşor zonalara, xarici ölkələrə qeyri-qanuni yollarla külli miqdarda vəsitlər çıxaran, həmin ölkələrdə mülklər, əmlaklar alan məmurlar, iqtidar nümayəndələrinə də şamil olunacaqmı?

Vətəndaş Hüquqları İnstitutunun rəhbəri Bəşir Süleymanlı Kamran Mahmudovun təqdimatında yayımlanan “Çətin sual” verilişində bu barədə danışır.