Azərbaycanın Rusiyaya notasının pərdəarxası – Nəsimi Məmmədli “Çətin sual" qarşısında

Bakı/03.08.21/Turan: Avqustun 1-də Rusiyanın Azərbaycandakı səfirliyinin müvəqqəti işlər vəkili Xarici İşlər Nazirliyinə dəvət olunub.Görüşdə Rusiya Dövlət Dumasının deputatı Vladimir Jirinovskinin "Komsomolskaya Pravda" radiosunun 30 iyul tarixli buraxılışında "Azərbaycanın dövlətçiliyi və rəhbərliyi ünvanına səsləndirdiyi qərəzli və təhqiramiz fikirləri ilə bağlı ciddi narahatlıq və etirazımız müvəqqəti işlər vəkilinin diqqətinə çatdırılıb".

Qarşı tərəfə Azərbaycan Xarici İşlər Nazirliyinin notası təqdim olunub.

İki ölkə arasındakı krizə səbəb Rusiya Liberal Demokrat Partiyasının lideri Vladimir Jirinovskinin "Cənubi Qafqaz bizim təsirimiz altındadır" sözləri ve Azərbaycan Prezidenti  İlham Əliyev haqqında söylədiyi "diktator" fikridir.

Heç kimə sirr deyil ki, Kreml bəzən demək istədiklərini Jirinovskinin dili ilə səsləndirir. son vaxtlar Azərbaycan-Ermənistanda sərhəddindəki gərginlik, Rusiya sülhməramlılarının baş verənlərə soyuqqanlı yanaşması iki ölkə arasında hansısa məsələdə bir fikirdə olmadığı anlaşılırdı. İndi Rusiya Dumasının üzvünün bu fikirləri səsləndirməsi, qarşılıq olaraq Azərbaycanın Rusiyaya nota verməsi bu fikri daha gücləndirir.

Bəs iki ölkə hansı məsələdə razılığa gələ bilmir? Rusiya Azərbaycandan nə istəyir? Baş verənlərin pərdəarxasında bizim bilmədiyimiz hansı məsələ və ya məsələlər dayanır?

Siyasi şərhçi Nəsimi Məmmədli  Kamran Mahmudovun təqdimatında yayımlanan “Çətin sual” verilişində bu və digər suallara cavab verir.--0--