Brüssel görüşündə nələr razılaşdırıldı? – Elxan Şahinoğlu “Çətin sual` qarşısında

Bakı/07.04.22/Turan: Brüsseldə Azərbaycan Prezidenti İlham Əliyev, Ermənistanın baş naziri Nikol Paşinyan və Avropa İttifaqı Şurasının Prezidenti Şarl Mişelin üçlü görüşü baş tutdu. Avropa İttifaqı Şurasının prezidenti Şarl Mişel üçtərəfli görüşün yekunlarına dair bəyanat yayıb.

Prezident Mişel etimadın möhkəmləndirilməsi və dinc şəkildə birlikdə yaşamaq üçün hər iki tərəfdən humanitar addımlar atılmasının əhəmiyyətini vurğulayıb. O, həll edilməmiş humanitar məsələlərin, o cümlədən qalan saxlanılmış şəxslərin azad edilməsi və itkin düşmüşlər probleminin hərtərəfli həlli məsələsinin tam və ən qısa zamanda həll edilməsi zərurətini qeyd edib və Aİ-nin bu səyləri dəstəkləməyə hazır olduğunu bildirib", deyə bəyanatda qeyd edilir.

Xarici işlər nazirlərinə bütün zəruri məsələləri tənzimləyən gələcək sülh sazişinin hazırlanması ilə məşğul olmağı tapşırmaq razılaşdırılıb. Sərhədlərin delimitasiyası və demarkasiyası böyük əhəmiyyət kəsb edəcək və bu məqsədlə aprelin sonuna qədər Birgə Sərhəd Komissiyası yaratmaq qərarına gəlinib.

Görüşdə əldə olunan razılaşmaları siyasi şərhçi Elxan Şahinoğlu Kamran Mahmudovun təqdimatında yayımlanan “Çətin sual” verilişində şərh edir.