Dindarlara qarşı “səlib yürüşü”? – Hüquq müdafiəçisi və hərəkat üzvü “Çətin sual” qarşısında

Bakı/20.06.22/Turan: Müsəlman Birliyi Hərəkatının həbsdə olan sədri, ilahiyyatçı Taleh Bağırzadə iyunun 3-dən aclıq aksiyasına başladığını açıqlayıb. O bildirib ki, inanclı şəxslərin polis idarələrində işgəncəyə məruz qalması və bu zaman Allahın da təhqir olunmasına etiraz olaraq aclığa başlayır və tələbi bu hərəkətlərə yol verən şəxslərin cəzalandırılmasıdır. Müsəlman Birliyi Hərəkatının 5 üzvü mayın 20-də Bakı Ağır Cinayətlər Məhkəməsində hərəkatın başqa bir fəalı Razi Abbasova Bakı Ağır Cinayətlər Məhkəməsində hökm oxunduğu gün məhkəmənin qarşısında saxlanılıb. Onlardan üçünə polisə müqavimət ittihamıyla 1 aylıq inzibati həbs cəzası verilib, digər iki nəfər isə həmin gün gecə saatlarında buraxılıb. Onlar gün ərzində işgəncələrə məruz qaldıqlarını, şalvarlarının çıxarılaraq, zorlanmaqla hədələndiklərini bildiriblər.

Üç inanclı fəal – Yasin Əhmədov, Vüqar Əliyev və Nicat Əliyev iyunun 18-də saxlanılıblar. Adları çəkilən inanclı fəalların yaxınları onların Sumqayıtda divara yazılmış “Allahı söyənlərə cəza” şuarına görə saxlandığını iddia edir.

Bütün baş verənlər barədə hüquq müdafiəçisi, “Müdafiə Xətti” hüquq-müdafiə təşkilatının həmtəsisçisi Rüfət Səfərov və Müsəlman Birliyi hərəkatının üzvü Əbülfəz Bünyadov Kamran Mahmudovun təqdimatında yayımlanan “Çətin sual” verilişində danışırlar.

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.fb.com/turanagency