Ilham Aliyev and Shavkat Mirziyoyev
İlham Əliyev Özbəkistana dövlət səfərinə gedir
Bakı/20.06.22/Turan: Azərbaycan prezidenti İlham Əliyev Özbəkistan prezidenti Şavkat Mirziyoyevin dəvəti ilə 21-22 iyun tarixlərində Daşkəndə dövlət səfərinə gedəcək. Bu barədə Özbəkistan dövlət başçısının mətbuat xidmətinin bazar ertəsi yaydığı məlumatda deyilir.
"Görüşün gündəliyində Özbəkistan və Azərbaycan arasında strateji tərəfdaşlıq münasibətlərinin daha da möhkəmləndirilməsi və çoxplanlı əməkdaşlığın genişləndirilməsi məsələləri var.
İki dövlət lideri qarşılıqlı ticarət həcminin artırılmasına, biznes və regionlar səviyyəsində əməkdaşlıq əlaqələrinin gücləndirilməsinə, iqtisadiyyatın müxtəlif sahələrində birgə investisiya layihələrinin təşviqinə, nəqliyyat-tranzit sahəsində imkanlardan səmərəli istifadəyə, fəal mədəni-humanitar mübadilənin davam etdirilməsinə xüsusi diqqət yetirəcəklər", deyə məlumatda bildirilir.
Danışıqların yekunlarına görə sənaye, nəqliyyat, kənd təsərrüfatı, energetika, elm və innovasiyalar, turizm və s. sahələrdə əməkdaşlığa dair ikitərəfli sənədlər paketinin imzalanması nəzərdə tutulur.
2021-ci ildə ölkələr arasında ticarət dövriyyəsinin həcmi 42%, cari ilin yanvar-may aylarında isə 49% artıb, deyə məlumatda qeyd edilir. 02D
Siyasət
-
Şuşada Türk Dövlətləri Təşkilatına üzv ölkələrin liderlərinin Şuşada keçirilən qeyri-rəsmi sammiti Qarabağ bəyannaməsinin imzalanması ilə başa çatıb.
-
Qazaxıstan Prezidenti Kassym-Jomart Tokayev Şuşada, Türkdilli Dövlətlərin Əməkdaşlıq Şurasının qeyri-formal zirvə toplantısında, "Nəqliyyat, kommunikasiya və iqlim fəaliyyəti vasitəsilə dayanıqlı gələcək qurmaq" mövzusunun üzv ölkələrin ümumi maraqlarına xidmət etdiyini vurğuladı. Tokayev, bu görüşün Türkdilli xalqların rifahını artırmaq, yeni inkişaf sahələri kəşf etmək, qardaşlıq əlaqələrini gücləndirmək və regional sabitliyi təmin etmək məqsədi daşıdığını bildirdi.
-
Prezident İlham Əliyev, Türk Dövlətləri Təşkilatının qeyri-rəsmi sammitinin iştirakçılarını səmimi qarşılayaraq, bu tarixi Şuşa şəhərində keçirilən tədbirin əhəmiyyətini vurğuladı. "Hamınızı ürəkdən salamlayıram," dedi Əliyev. "Azərbaycan, Qarabağa xoş gəlmisiniz."
-
Qazaxıstan Azərbaycan və Ermənistan arasında sülh danışıqlarının keçirilməsi üçün platforma təklif etməyə hazırdır. Bu barədə bu gün Qazaxıstan prezidenti Kasım-Jomart Tokayev Şuşada Türk Dövlətləri Təşkilatına üzv dövlət başçılarının qeyri-rəsmi sammitində çıxışı zamanı bildirib.
Rəy yaz