![Fərqli düşüncəli insanlara qarşı təqiblər niyə dayanmır? – Rüfət Səfərov “Çətin sual” qarşısında](https://turan.az/resized/media/2022/main/082500042785-750-500-resize.webp)
Fərqli düşüncəli insanlara qarşı təqiblər niyə dayanmır? – Rüfət Səfərov “Çətin sual” qarşısında
Bakı/25.08.22/Turan: Bakının Nəsimi Rayon Polis İdarəsinin post-patrul xidmətinin əməkdaşı Seymur İmanov Azərbaycan Xalq Cəbhəsi Partiyasının üzvü Gülnarə Rəhimovanın barəsində xüsusi ittiham qaydasında Xətai Rayon Məhkəməsinə şikayət verib. O, Rəhimovanın Cinayət Məcəlləsinin 147-ci (böhtan) və 148-ci (təhqir) maddələrilə məsuliyyətə cəlb olunmasını tələb edir. Bu maddələrin hər biri 6 ayadək azadlıqdan məhrumetmə də daxil olmaqla cəza nəzərdə tutur.
Şikayətə avqustun 11-də Rəhimovanın Facebook sosial şəbəkəsində dərc olunmuş paylaşımı səbəb olub.
İyulun 20-də Nazirlər Kabinetinin binası qarşısında “Sərhədləri açın!” tələbilə keçirilən aksiya zamanı Rəhimovanı “İçərişəhər” metrostansiyasının yaxınlığında saxlayıblar. Onun dediklərinə görə, o, özü ilə birlikdə polis bölməsinə aparılan Əziz Məmiyevin orada döyüldüyünün şahidi olub. Hələ o zaman bu barədə Facebook-da yazıb.Avqustun 11-də Rəhimova Məmiyevin döyülməsində iştirak etdiyi güman edilən serjant İmanovun fotosunu paylaşıb.
İctimai fəal Bəxtiyar Hacıyevin bildirdiyinə görə, bazar ertəsi Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşlarının onu Bakıda küçədə tutub, 6 saat saxlayıb və “Facebook” sosial şəbəkəsində daxili işlər nazirini tənqid edən yazılarını sildikdən sonra sərbəst buraxıblar. Hacıyev Azərbaycan vətəndaşlığından çıxmaq üçün rəsmi ərizə verib.
Ölkədə insan haqları ilə əlaqədar baş verən bu və digər hadisələrlə bağlı Müdafiə xətti hüquq müdafiə təşkilatının həmtəsisçisi Rüfət Səfərov Kamran Mahmudovun təqdimatında yayımlanan “Çətin sual” verilişində danışır.
Youtube səhifəsinin ünvanı:
https://www.youtube.com/c/TuranAgentliyi
Facebook səhifəsinin ünvanı:
Çətin sual
-
Azərbaycanda sentyabrın 1-də keçirilən növbədənkənar parlament seçkilərinin ilkin nəticələri açıqlanıb.
-
Növbədənkənar parlament seçkilərinə 2 gündən az vaxt qalıb. Bu gün təbliğat və təşviqatın son günüdür.
-
Azərbaycanın xarici dövlət borcu azalıb, daxili dövlət borcu artıb.
-
Rəsmi Bakı Avropa Şurası Parlament Assambleyasında (AŞPA) Azərbaycan nümayəndə heyətinin əleyhinə səs verən şəxsləri “arzuolunmaz şəxslər” siyahısına salıb.
Rəy yaz