Fransa Senatının qətnaməsi, Rusiyanın Polşaya etdiyi həmlə... – Şahin Cəfərli Çətin sual qarşısında

Bakı/16.11.22/Turan: Fransa Senatı Ermənistanı dəstəkləyən qətnamə qəbul edib və Azərbaycana qarşı sanksiyaların tətbiqini təklif edib. Qətnamə Azərbaycan silahlı qüvvələrinin Ermənistanın suveren ərazisindən çıxarılmasını və Ermənistanın ərazi bütövlüyünə və suverenliyinə hörmət edilməsini tələb edir, bütün erməni hərbi əsirləri azad etməyə və öz vətənlərinə qaytarmağa çağırır,  Fransa hökumətini avropalı tərəfdaşlarla əməkdaşlıq edərək Azərbaycan hakimiyyətinin əmlakına qarşı diplomatik və iqtisadi tədbirlər və sanksiyalar tətbiq etməyə, habelə Azərbaycandan qaz və neft idxalına embarqo qoymağa dəvət edir,  qondarma Dağlıq Qarabağ Respublikasının tanınmasının zəruriliyini təsdiq edir və hökuməti Dağlıq Qarabağda humanitar ofis yaratmağa dəvət edir, hökuməti Ermənistanın müdafiə qabiliyyətinin gücləndirilməsinə dəstək imkanlarını nəzərdən keçirməyi təklif edir.

Fransa Azərbaycanla münasibətlərini niyə korlamaq istəyir?

Bu arada ötən gün axşam saatlarında Ukraynaya atılan iki Rusiya raketi Polşanın Ukrayna ilə sərhədindən 5 km aralıda yerləşən Pşevodov kəndinə düşüb. Polşa KİV-i xəbər verir ki, raket zərbələri nəticəsində iki nəfər həlak olub, dağıntılar var.

NATO işə qarışacaqmı? Rusiya üçüncü dünya müharibəsinə təşviq edir?

Gündəmdə olan bu mövzularla bağlı siyasi şərhçi Şahin Cəfərli Kamran Mahmudovun təqdimatında yayımlanan “Çətin sual” verilişində danışır.--0-