Həbsdə aclıq edən fəal Bəxtiyar Hacıyev işgəncə altındadır? – Zəfər Əhmədov Çətin sual qarşısında

Bakı/20.12.22/Turan: Həbsdə olan ictimai siyasi fəal Bəxtiyar Hacıyev aclıq aksiyasını davam etdirir. Fəal artıq 6 gündür ki, aclıq edir.  Pentensiar xidmət təsdiqləməsə də, yaxınları və vəkili belə deyir.

Yaxınlarının verdiyi məlumata görə bəzi media orqanlarında fəalın aclığı dayandırması ilə bağlı yayılan məlumatlar həqiqəti əks etdirmir: "Bəxtiyar artıq altıncı gündür aclıq aksiyası keçirir. O, öz həbsinə etiraz edir". 

B. Hacıyevin aclığı dayandırması barədə xəbəri yerli media yaymışdı. Bildirilirdi ki, B.Hacıyevlə aparılan  profilaktik söhbətdən sonra o, aclıq aksiyasını dayandırmağa razılaşıb və normal qida qəbuluna başlayıb. Penitensiar Xidmətin mətbuat katibi Mehman Sadıqov da mediaya açıqlamasında məlumatı təsdiqləmişdi.

Ötən gün ictimai fəal B.Hacıyev vəkili Aqil Layıcla görüşüb. O, ictimai fəalın aclıq aksiyasını davam etdirdiyini bildirib. "Müdafiə Xətti" hüquq müdafiə təşkilatının həmtəsisçisi Rüfət Səfərov  bildirib ki, 1 saylı İstintaq Təcridxanasında ictimai fəal Bəxtiyar Hacıyevin həyatı və sağlamlığı təhlükədədir.

Bütün bunlar barəsində "Müdafiə Xətti" hüquq müdafiə təşkilatının həmtəsisçisi Zəfər Əhmədov Kamran Mahmudovun təqdimatında yayımlanan “Çətin sual” verilişində danışır.