Hərbi itkilər, Xanlar Vəliyevin “Tərtər işi” açıqlaması, Qarabağdakı vəziyyət – Üzeyir Cəfərov Çətin sual qarşısında
Bakı/11.01.23/Turan: 2022-ci ildə Azərbaycanın Təhlükəsizlik və Müdafiə sektoru ən azı 145 hərbi qulluqçusunu itirib. Onlardan 87 nəfəri döyüş itkiləridir, 58 nəfəri isə qeyri-döyüş itkiləridir. Bu barədə Xəzər Hərbi Tədqiqatlar İnstitutunun hesabatında deyilir. İnstitutun məlumatına görə, 2022-ci ildə ümumilikdə 22 hərbi qulluqçu intihar edib. 2022-ci ildə ümumilikdə ən azı 304 hərbi qulluqçu müxtəlif səbəblərdən yaralanıb və ya xəsarət alıb. İnstitutun araşdırmalarına görə, Azərbaycan Təhlükəsizlik və Müdafiə Sektorunda qeyri-döyüş itkilərinin sayı ciddi şəkildə artır.
Baş prokurorun müavini, Respublika Hərbi prokuroru Xanlar Vəliyev “Tərtər işi” ilə bağlı yerli mediaya açıqlamasında deyib ki, media onun dediklərini təhrif edib.
“Mənim dediklərimi təhrif edirlər. Mən "Tərtər işi"ni nağıl adlandırmamışam. Mən nağıl onu demişəm ki, mənə suallar verirdilər ki, hərbi prokurorluq əməkdaşları hərbçiləri döyürlər, incidirlər, işgəncə verirlər, mən bunu nağıl adlandırmışam.”- Xanlar Vəliyev belə deyib.
Hərbi Prokuror dediklərinə görə ondan üzr tələb edənlərə də toxunaraq bildirib ki, o üzr istəməyəcək.
Bütün bunlar, eyni zamanda Qarabağda və Laçın dəhlizində- Xankəndi yolunda baş verənlərlə bağlı hərbi ekspert Üzeyir Cəfərov Kamran Mahmudovun təqdimatında yayımlanan “Çətin sual” verilişində danışır.
Çətin sual
-
Yeni qaydalara əsasən, taksi minik avtomobili vasitəsilə sərnişindaşımalarla məşğul olmaq istəyən hüquqi şəxslər və fərdi sahibkarlar müvafiq icazələr əsasında fəaliyyət göstərməlidirlər. Bunun üçün buraxılış vəsiqəsi və buraxılış kartı alınmalıdır. Azərbaycan Yerüstü Nəqliyyat Agentliyi ( AYNA)- dan yerli mediaya verilən məlumatda belə deyilir
-
Gürcüstan parlamenti mayın 14-də “Xarici təsirin şəffaflığı haqqında” qanun layihəsini üçüncü oxunuşda qəbul etdi. Amma buna baxmayaraq Gürcüstanda etirazlar səngimir. Yüzlərlə etirazçı parlament binasının önünə toplaşaraq qanunun qəbuluna yox deyir.
-
Rəsmi xəbərlərə görə, Azərbaycanda illik inflyasiya 1 %-dən aşağı enib. Bu ilin yanvar-aprel aylarında istehlak qiymətləri indeksi 2023-cü ilin eyni dövrü ilə müqayisədə 100,7 %, o cümlədən qida məhsulları, içkilər və tütün məmulatları üzrə 99,3 %, qeyri-qida məhsulları üzrə 101,3 %, əhaliyə göstərilmiş ödənişli xidmətlər üzrə 102,4 % təşkil edib. Dövlət Statistika Komitəsinn yaydığı məlumatda belə göstərilir.
-
Son həftələrdə Ermənistan Azərbaycanla Ermənistan arasında sərhədin demarkasiyası və delimitasiyası prosesindən qaynaqlanan etiraz dalğasının şahidi olub. Ermənistan Avropa Partiyasının sədri Tiqran Xzmalyan "Çətin sual" proqramında bu problemləri işıqlandırıb, iğtişaşları mövcud hakimiyyətdən kütləvi narazılıq ilə izah edib.
Rəy yaz