İctimai- siyasi fəal Bəxtiyar Hacıyev niyə həbs edildi? Rüfət Səfərov Çətin sual qarşısında

Bakı/12.12.22/Turan: Beynəlxalq insan haqları gününə bir gün qalmış - dekabrın 9-da Xətai Rayon Məhkəməsi ictimai fəal Bəxtiyar Hacıyevi istintaq müddətinə - 1 ay 20 gün müddətinə həbs edib. Fəal Cinayət Məcəlləsinin 221 (xuliqanlıq) və 289-cu (məhkəməyə hörmətsizlik) maddələri ilə təqsirli bilinib. O, 3 ilədək azadlıqdan məhrum edilə bilər.Hacıyev məhkəmədə çıxışında irəli sürülən ittihamları qəbul etməyib, siyasi fəaliyyətinə, o cümlədən beynəlxalq forumlarda hakimiyyəti tənqid etdiyinə görə təqib olunduğunu bildirib.

Bəxtiyar Hacıyevin həbsindən sonra bir çox hüquq müdafiə təşkilatları, siyasi partiyalar, İctimai siyasi şəxslər onun həbsindən narahatlıq ifadə ediblər, beynəlxalq təşkilatlar isə fəalın həbsini pisləyən bəyanatlar yayıblar.  

Müdafiə xətti hüquq müdafiə təşkilatının həmtəsisçisi Rüfət Səfərov Kamran Mahmudovun təqdimatında yayımlanan “Çətin sual” verilişində bu barədə danışır.